Cuac FM participa na 3ª edición de Onda ODS organizada pola Rede de Medios Comunitarios (ReMC). Baixo o lema “O futuro é teu”, emisoras comunitarias de toda España produciron 30 pezas sobre diversos obxectivos da Axenda 2030 como igualdade de xénero, redución das desigualdades, enerxía asequible, consumo responsable ou comunidades sostibles, entre outros.
Emitirase un audio diario entre os días 1 e 30 de abril nas franxas de informativos, ás 07:00 e ás 14:00 h. Despois, soarán periodicamente na continuidade de Cuac FM.
As emisoras que participaron na gravación das pezas foron:
- Radio Oasis (Salamanca)
- Radio Enlace (Hortaleza-Madrid)
- Radio Kras (Xixón)
- Radio Morata (Morata de Tajuña-Madrid)
- Radiópolis (Sevilla)
- Radio Xata (Pinto-Madrid)
- Radio Jabato (Coslada-Madrid)
- Radio Sintonía Puente Genil (Córdoba)
- Radio Iris 7 (Burgos)
- Hispanidad Radio (Huelva)
- Siberia FM (Vitoria)
- Eco Leganés (Leganés-Madrid)
“O futuro é teu” é unha campaña radiofónica e audiovisual a nivel estatal que pretende sensibilizar a máis de 2 millóns de persoas en 11 comunidades dando visibilidade aás políticas públicas, iniciativas cidadás e privadas impulsadas desde o ámbito local e rural para o cumprimento da Estratexia Española de Desenvolvemento Sostible.