Onda Ciencia
ONDA CIENCIA é un proxecto de divulgación científica en formato radiofónico, realizado conxuntamente por CUAC FM e a Unidade de Divulgación Científica e Cultural da Universidade da Coruña (Vicerreitoría de Igualdade, Cultura e Deporte).
ONDA CIENCIA aborda diferentes temáticas de actualidade dende unha perspectiva crítica e baseada na evidencia científica. O formato do programa é un coloquio no que participarán profesorado e/ou persoas investigadoras da UDC, expertas nunha temática concreta sobre o que versará cada programa.
As temáticas a abordar na tempada 2022-2023 serán moi variadas; comezaremos por Violencias sexuais: a “lei do si é si a exame” e continuaremos con cuestións relacionadas cos videoxogos, deporte, intelixencia artificial, lingua e literatura galegas etc.
ONDA CIENCIA pode escoitarse a través do 103.4 da FM, no streaming de CUAC cuacfm.org/directo, a través das nosas aplicacións móbiles para Android e Apple, e na nosa canle de YouTube.
A equipa técnica do programa é a seguinte:
Preprodución: Mª Cristina Naya Riveiro, coordinadora da Unidade de Divulgación Científica e Cultural da Vicerreitoría de Igualdade, Cultura e Deporte da Universidade da Coruña.
Presentación/condución do programa: Isabel Lema Blanco, CUAC FM
Control técnico: Mariano Fernández Cabarcos, Chema Casanova, Miguel Anxo Facal, CUAC FM
Produción: Isabel Lema, Roberto Catoira, Miguel Anxo Facal, Chus Abeledo, CUAC FM
Postproducción: Miguel Anxo Facal, CUAC FM
Redes sociais: Miguel Anxo Facal, CUAC FM
Coa colaboración da Fundación Española para la Ciencia y la Tecnología - Ministerio de Ciencia e Innovación.
