ESCOLA DE RADIO

ESCOLA DE RADIO E ASOCIACIONISMO

En 2013 comezou a andar un proxecto moi ambicioso que se chama “Escola de Radio e asociacionismo”, e que nace cos obxectivos de:

1) Favorecer o acceso e a participación activa da cidadanía aos medios de comunicación social co fin de promocionar e difundir a cultura galega a través das radios comunitarias;

2) Adquirir coñecementos básicos sobre radiodifusión: locución, realización e produción radiofónicas, e mellorar a formación en comunicación social e xornalismo dos socios/as de CUAC e da cidadanía interesada en desenvolver un proxecto radiofónico;

3) Favorecer o coñecemento e dominio das técnicas de dinamización sociocultural.

As novas instalacións da Escola de Radio e Asociacionismo foron inauguradas o pasado decembro de 2015 polo Alcalde de A Coruña, D. Xulio Ferreiro e Dna María Xosé Martínez, Vicerreitora de Estudantes da Universidade da Coruña (entidade propietaria das instalacións), .

están compostas por 3 espazos de reducidas dimensións cedidos pola Universidade da Coruña, en concreto pola xestión da Vicerreitoría de Estudantes. Hai un aula de formación técnica (radiofónica), outra de formación teórica e un pequena biblioteca e espazo para xestión. Cada espazo foi bautizado con nomes que mañá serás desvelados durante a inauguración.

A Escola de Radio e Asociacionismo desenvolve os seguintes actividades:

• Formación de iniciación á radio (formación impartida nas instalacións de CUAC FM con carácter mensual).

• Obradoiro de radioficción no Centro Ágora (concello da Coruña)

CUAC FM imparte anualmente (2013, 2014, 2015) no espazo sociocultural do Ventorrillo (A coruña) “Centro Ágora” da Coruña dous obradoiros de 3 horas de duración. O programa incluíu formación básica en radiofonía (produción, locución e control técnico), comunicación e medios comunitarios.Os talleres foron gratuítos para todos os interesados, nos que participaron 20 mozos e mozas entre 16 a 30 anos. Os obradoiros son impartidos pola equipa docente de CUAC FM.

Máis info: https://cuacfm.org/novas/2015/05/obradoiro-de-iniciacion

• Taller de expresión artística.

Realizado en colaboración coa equipa de psicópedagogos e educadores sociais da Fundación Xoán Soñador da Coruña, dentro do programa socio-educativo “Na rúa“, dirixido a menores en situación de risco ou exclusión social.  A colaboración consistiu no dinamización dun taller de radio e gravación no estudo Alexandre Bóveda de CUAC FM dunha radionovela creada, escrita e interpretada por un grupo de mozos participantes do programa. 

• Colaboración coa Radio dos Gatos da Confederación ASPACE

Durante o verán e outono de 2015 estableceuse unha colaboración entre CUAC FM e a Asociación de Pais de Persoas con Parálise Cerebral (ASPACE). Consistíu en varias visitas dalgúns dos integrantes de CUAC FM ás instalacións desta asociación en Casteliño (Sada), debidas a que fomos coñecedores de que levaban varios anos facendo un programa de radio semanal chamado “La Radio de los Gatos”. A finais de setembro un integrante de CUAC FM foi dar aos usuarios que participan no programa de radio unha breve charla cuns consellos básicos sobre a locución en radio e sobre a produción de programas de radio.