Xa estamos a 1 de otubro e CUAC FM presenta a nova grella de programación de Outubro. Tras o longo descanso veraniego, a maioría dos programas veteranos de CUAC FM volven a súa emisión regular. Como cada temporada, haberá pequenos cambios, pero sabemos que a nosa audiencia é fiel e acollerá con gusto esta nova grella.
Este outubro, a programación de CUAC FM conta con 35 horas semanais de emisión en directo, con 30 programas de producción propia e 12 colaboracións externas.
ESCOITA OS PODCAST DE CUAC FM NO “RADIOCO”
Este ano os oíntes de CUAC FM que poderán seguir dinámicamente a nosa programación a través da nova ferramenta RADIOCO, desenvolvida por Iago Veloso (como Traballo Fin de Grado en Informática) grazas a cal podedes consultar a información dos nosos programas, qué está a soar actualmente na emisora ou escoitar o podcast do programa que se acaba de emitir.
A través da web https://cuacfm.org/radioco/ poderedes seguir a última actualidade da nosa grella. Así xa non terás dúbidas de cando se emiten os programas quincenais ou queres escoitar os nosos programas coa máxima calidade.