Foto Encuentro 14 organizado en A Coruña por CUAC FM
A Coruña acollerá a Asemblea da Rede de Medios Comunitarios 2018 os vindeiros días 13, 14 e 15 de abril. Cuac FM será a anfitriona deste evento, que xa se celebrara na nosa cidade no ano 2014.
Deste xeito a Rede de Medios Comunitarios amosa a súa solidariedade e compromiso coa nosa emisora nestes momentos de dificultade, nos que ficamos fora da frecuencia modulada en virtude da prohibición da Xunta de Galicia, pendente de recurso.
Estamos encantadas de anfitrionar a xuntanza dos medios comunitarios deste ano, e damos a benvida a todos os proxectos de comunicación irmáns do resto do estado.
Poderedes atopar máis información na páxina da Asemblea ReMC 2018, que iremos actualizando nas vindeiras datas.