FEIRA DA ECONOMÍA SOCIAL DA CORUÑA

CUAC FM deu cobertura informativa en directo á Feira da Economía Social da Coruña celebrada na Praza de Pontevedra da Coruña o día 31 de maio de 2014, e que xuntou a máis de 40 entidades que tratan de dar visibilidade a un modelo de economía solidaria, participativa, local e na que se substitúe competir por cooperar.

Ao longo de dúas horas de programa especial, CUAC FM entrevistou ás entidades impulsoras da Feira, coma Intermón-Oxfam e o Proxecto Integral. Máis tamén a diversas experiencias de economía social e sostibilidade como a ONDG Amaramte Setem, as cooperativas ZocaMiñoca, Nosa Enerxía, Fiare Banca Etica, Mulleres Colleiteiras, Velo-ai-vai (transporte ecolóxico), o urbanismo e a arquitectura sustentable, as enerxías renovables, a cultura libre (como o proxecto Galiza Imaxinaria), o hardware e software libre, a tecnoloxía aberta, os mercadiños de troco, a cociña solar…

Dúas horas de programa en directo que podes escoitar no seguinnte enlace:
http://www.ivoox.com/ar-coruna-capitulo-40-3×05-ii-feira-audios-mp3_rf_3176109_1.html