XXII CONCURSO CUAC FM DE BANDAS E SOLISTAS

RESOLUCIÓN DO XXII CONCURSO DE BANDAS: FINALISTAS 

6 de novembro de 2020. O xurado do XXII Concurso de Bandas e Solistas de CUAC FM ven de realizar a selección de finalistas da Batalla de Bandas así como da Mellor Banda Local.
 
Tras escoitar as cancións das máis de 60 bandas e solistas que se presentaron á XXII edición do Concurso de Bandas e solistas de CUAC FM, o xurado composto por voluntarias e voluntarios dos diversos programas de CUAC FM, así como por persoas de medios de comunicación de traxectoria contrastada como son César Martín, director da Revista Popular 1, Belén Regueira, xornalista de varios medios galegos (Radio Galega, TVG…) e Pepe Cunha de Ábrete de Orellas,  o xurado determinou o seguinte:
 
As bandas finalistas da Batalla de bandas son:
Young Forest (Madrid)
– Psychoducks (Oleiros)
 
Suplentes, en caso de que algunha das duas bandas non poda actuar:
– Óscar Fojo   (Ferrol)
 
A Batalla de Bandas estaba prevista para o 5 de decembro na sala Mardi Gras da Coruña. Non será posible manter a data debido á situación actual das Salas de concertos. Tentaremos fixar unha nova data o antes posible dentro do 2021 da que se informará a todas as partes implicadas e, por suposto, ao público que desexe asistir.
Os premios consisten en 900 euros para a banda que resulte gañadora da Batalla e 800 para a segunda clasificada.
 
O premio á Mellor Banda Local é para: 
 
– Adhara and Ritman
 
O premio é de 900 euros e inclúe o compromiso de actuar nun evento organizado polo Concello da Coruña que colabora económicamente con este concurso ou por CUAC FM en caso de decidilo así o concello. O prazo de celebración deste concerto segundo as bases será nos sete meses posteriores á celebración da batalla de bandas. A data será consensuada coa banda.
 
Parabéns ás bandas e artistas seleccionados e grazas dende CUAC FM a todas as participantes.
 
As cancións recibidas serán emitidas na emisora se así o desexan os diversos programas da mesma.
 
 

BASES DO XXII CONCURSO

Cuac FM, a Radio Comunitaria da Coruña publica as bases para participar na XXII edición do Concurso CUAC FM de Bandas e Solistas , de diversos estilos musicais.

O obxectivo principal é promover a cultura musical na nosa contorna e dar a coñecer proxectos que non teñen unha longa traxectoria, con especial atención ás bandas galegas e coruñesas, aínda que o concurso está aberto á participación de artistas de todo o estado español.

O prazo para enviar o rexistro e as cancións é o 15 de setembro de 2020 ás 23:59 horas.

O XXII Concurso de CUAC FM de Bandas e Solistas rexerase polas seguintes BASES:

Bases do XXII Concurso CUAC FM de Bandas e Solistas (GALEGO)

Bases del XXII Concurso CUAC FM de Bandas y Solistas (ESPAÑOL)

INSCRICIÓN: 

Para inscribirvos, cumprimentade o seguinte FORMULARIO

Para solventar dúbidas enviade un email a: concursobandas@cuacfm.org

ORGANIZA: 

 

 

COLABORA: