Día da Ciencia na Rúa
A primeiros de maio celébrase na Coruña o Día da Ciencia na Rúa, un grande evento nos exteriores da Casa das Ciencias onde diferentes entidades, especialmente centros escolares, achegan coñecementos científicos á cidadanía dun xeito sinxelo e entretido mediante a información, a experimentación e o xogo. Esta actividade organizase todolos anos grazas ao traballo da asociación de Amigos da Casa das Ciencias.
Cuac FM vén participando neste evento dende o ano 2013 facendo un programa presencial en riguroso directo, onde entrevistamos a moitas das organizacións participantes, ademais de informar sobre as actividades e o ambiente deste día tan especial. Anímate a vir e ver como se fai un programa de radio!
Podes escoitar todos os programas de Cuac FM no Día da Ciencia na Rúa en https://cuacfm.org/dia-da-ciencia-na-rua/
(Foto: Marcus)
