A falta de acceso a un fogar digno converteuse nunha das maiores preocupacións sociais en España. No terceiro episodio da cuarta tempada de Onda Ciencia analizamos as causas estruturais, o papel do urbanismo e as novas alternativas de convivencia da man de tres persoas expertas e pertencentes á Universidade da Coruña:

• Natalia Álvarez Lata. Catedrática no Departamento de Dereito Civil da Facultade de Dereito. Membro do Grupo de investigación Empresa, Consumo e Dereito. Desenvolve gran parte da súa actividade investigadora no campo da responsabilidade civil.
• Plácido Lizancos Mora. Profesor titular no Departamento de Expresión Gráfica Arquitectónica, na ETSA. Membro do Grupo de investigación Grupo de Estudos Territoriais. Investiga sobre hábitat básico, vivenda e procesos habitados.
• Nieves Rodríguez Brisaboa. Catedrática emérita do Departamento de Informática da UDC. Premio Nacional de informática na categoría Angela Ruiz Robles (2019). Medalla Enrique Vidal Abascal 2025, outorgada pola Real Academia Galega de Ciencias. Presidenta da Asociación LarLilás, que promove un novo modelo de envellecemento activo baseado na autoxestión.

ESCOITA O PODCAST “VIVENDA: DESAFÍOS E SOLUCIÓNS”

Contido do programa

Este episodio de Onda Ciencia explora e aborda a crise habitacional en España analizando os factores que converten a vivenda nun obxecto de conflito e as causas de que o parque inmobiliario actual non responda ás necesidades das novas estruturas familiares. A través do diálogo cos expertos, o programa explora o impacto da planificación urbana na calidade de vida, os mecanismos xurídicos para mobilizar os millóns de vivendas baleiras cara ao mercado de alugueiro e a urxencia de superar as barreiras burocráticas e financeiras que frean alternativas como a covivenda (ou co-housing) ou o cooperativismo autoxestionado en Galicia.

O episodio non só buscou identificar os problemas, senón tamén explorar solucións. Desde a intervención estatal no mercado ata os exemplos de éxito noutros países europeos, as nosas convidadas propoñen medidas concretas para garantir que a vivenda sexa un ben accesible para a cidadanía.

ESCOITA ONDA CIENCIA NA NOSA CANLE DE YOUTUBE

ONDA CIENCIA

Onda Ciencia emítese  os martes ás 13:00 h no 103.4 da FM e no streaming:https://cuacfm.org/directo/.

Podes escoitar e descargar todos os episodios do podcast na páxina web do programa: https://cuacfm.org/radioco/programmes/onda-ciencia/.

Tamén podes revisar todos os episodios de Onda Ciencia nos espazos de CUAC FM en YouTube, Spotify, Acast, ou Ivoox.

EQUIPO TÉCNICO: 

• Yolanda Golías Pérez e M.ª Cristina Naya Riveiro: idea, proposta de temáticas e preprodución.
• Isabel Lema Blanco: produción, presentación e condución do programa.
• Chema Casanova e Mariano Fernández: controis técnicos.
• Miguel Anxo Facal: edición, posprodución e difusión nas redes sociais.

• Como escoller o lugar máis idóneo para ver a eclipse? Que precaucións debemos tomar? Onda Ciencia afonda nas formas máis seguras de desfrutar da eclipse total o 12 de agosto
• Ángel Daniel Arós, Xabier Pérez Couto (@astroxabi), Alsira Salgado e Susana García Barros analizan a transcendencia deste fenómeno histórico desde unha perspectiva científica e pedagóxica

As áreas da Coruña e Ferrol serán lugares privilexiados nos que presenciar, o vindeiro  12 de agosto de 2026, unha eclipse solar total histórica, visible entre as 19:31 e as 21:22 horas. Para preparármonos ante este acontecemento excepcional, neste episodio de Onda Ciencia catro expertos da Universidade da Coruña analizan a transcendencia científica, cultural e pedagóxica das eclipses:

• Ángel Daniel Arós Rodríguez, profesor titular no Departamento de Matemáticas e membro do Grupo de investigación de Modelización e resolución de modelos. Como integrante da Agrupación Astronómica Coruñesa Ío, contribúe á divulgación de fenómenos de mecánica celeste coma as eclipses.
• Xabier Pérez Couto (@astroxabi), investigador predoutoral no CITIC e membro do Laboratorio Interdisciplinar de Aplicacións da Intelixencia Artificial (LIA2). Participa no proxecto Smart data para unha análise multicolor da vía láctea en Gaia.
• Alsira Salgado Don, capitá da Mariña Mercante e profesora na Escola Técnica Superior de Náutica e Máquinas, onde imparte docencia en navegación costeira e astronómica.
• Susana García Barros, catedrática de universidade e profesora honorífica no Departamento de Pedagoxía e Didáctica da Facultade de Ciencias da Educación da UDC. Autora de diversas publicacións sobre a didáctica das ciencias e os fenómenos astronómicos.

VISIONA O VÍDEO “COMO VIVIR UNHA ECLIPSE? QUE NOS DI A ASTRONOMÍA?

ESCOITA O PODCAST “COMO VIVIR UNHA ECLIPSE? QUE NOS DI A ASTRONOMÍA?

Contido do programa

Este episodio de Onda Ciencia explora a importancia científica, cultural e histórica das eclipses solares, centrándose na eclipse total que se producirá na nosa área xeográfica o 12 de agosto de 2026.

Ao longo da conversa, as catro persoas convidadas analizan o papel das eclipses no desenvolvemento da astronomía, a súa relevancia para comprender os movementos celestes e a súa influencia na historia da ciencia. Tamén abordan a importancia que este fenómeno segue tendo hoxe en día para avanzarmos no coñecemento do Sol e como a intelixencia artificial contribúe a procesar a inxente cantidade de datos dispoñibles sobre a nosa galaxia.

Malia a tecnoloxía actual, saber orientarse polas estrelas continúa a ser unha habilidade esencial no mar, unha aprendizaxe imprescindible para a formación dos mariños. Ademais, a eclipse constitúe unha oportunidade única para estimular a curiosidade e o asombro nas crianzas e persoas maiores, e para espertar vocacións científicas en todas as etapas educativas.

Na última parte do programa, centrámonos no que acontecerá o 12 de agosto: que veremos exactamente no ceo, como escoller o lugar máis idóneo para a observación e, sobre todo, que precaucións debemos adoptar para protexer a vista durante esta experiencia inesquecible.

ONDA CIENCIA

Onda Ciencia emítese  os martes ás 13:00 h no 103.4 da FM e no streaming: https://cuacfm.org/directo/.

Podes escoitar e descargar todos os episodios do podcast na páxina Web do programa: https://cuacfm.org/radioco/programmes/onda-ciencia/.

Tamén podes revisar todos os episodios de Onda Ciencia nos espazos de CUAC FM en YouTube, Spotify, Acast, ou Ivoox.

EQUIPO TÉCNICO: 

• Yolanda Golías Pérez e M.ª Cristina Naya Riveiro: idea, proposta de temáticas e preprodución.
• Isabel Lema Blanco: produción, presentación e condución do programa.
• Chema Casanova e Mariano Fernández: controis técnicos.
• Miguel Anxo Facal: edición, posprodución e difusión nas redes sociais.

Comezamos a cuarta tempada de Onda Ciencia, o espazo de divulgación científica froito da colaboración entre a Unidade de Divulgación Científica e Cultural da Universidade da Coruña (UDC) e CUAC FM. Regresamos ás ondas e ao formato podcast cunha pregunta tan necesaria como complexa: Está a sociedade preparada para as persoas neurodiverxentes?

Neste episodio mergullámonos nun debate que gaña peso día a día nos eidos social, educativo e sanitario. Para entender mellor que supón convivir coa diversidade neurolóxica, Onda Ciencia contou cunha mesa de luxo composta por catro expertas de referencia da UDC, que nos achegan perspectivas desde a psicoloxía, a educación, a terapia ocupacional e as tecnoloxías inclusivas:

• Silvia López Larrosa, especialista en intervención familiar e coordinadora do Grupo de investigación en Intervención Psicosocial e Rehabilitación Funcional.
• Montserrat Muriano Rodríguez, directora académica de Espazo Compartido, o estudo propio da UDC para a autonomía e empregabilidade das persoas con discapacidade intelectual
• Iria Botana Lois, experta en atención temperá e intervención en dificultades de linguaxe e neurodesenvolvemento, membro do Grupo de investigación en Psicoloxía do Desenvolvemento e da Aprendizaxe Escolar.
• Betania Groba González, terapeuta e investigadora en tecnoloxías inclusivas no grupo TALIONIS e no CITIC.

ESCOITA O PODCAST DE ONDA CIENCIA

Contido

As expertas analizan no podcast que é a neurodiverxencia e a importancia vital da atención temperá e do diagnóstico. Afondan no papel clave das familias, os recursos dispoñibles e a atención á diverxencia nos centros educativos, tanto nas primeiras etapas como na universidade, a través de títulos como Espazo Compartido. Finalmente, abordan como a tecnoloxía pode facilitar a vida das persoas neurodiverxentes, amosando o impacto de proxectos como “Talentos inclusivos” que se desenvolve no CITIC.

ESCOITA ONDA CIENCIA NA NOSA CANLE DE YOUTUBE

ONDA CIENCIA

Onda Ciencia é un programa de divulgación científica en que persoas investigadoras e docentes da UDC analizan temas de actualidade desde unha perspectiva interdisciplinaria, rigorosa, e cunha linguaxe accesible e pedagóxica.

Nas tres tempadas anteriores, Onda Ciencia puxo o foco en debates xurídicos e sociais de gran calado como a protección xurídica da liberdade sexual, a desinformación ou discurso de odio nos medios e nas RRSS, os retos e potencialidades da Intelixencia Artificial, o coidado da saúde mental, o galego no SXXI,  a xenofobia e o racismo desde unha perspectiva interseccional, urbanismo sustentable, o impacto do cambio climático na Coruña, ou o uso do galego na IA.

Onda Ciencia emítese  os martes ás 13:00 h no 103.4 da FM e no streaming:https://cuacfm.org/directo/.

Podes escoitar e descargar todos os episodios do podcast na páxina web do programa: https://cuacfm.org/radioco/programmes/onda-ciencia/.

Tamén podes revisar todos os episodios de Onda Ciencia nos espazos de CUAC FM en YouTube, Spotify, Acast, ou Ivoox.

EQUIPO TÉCNICO: 

• Yolanda Golías Pérez e M.ª Cristina Naya Riveiro: idea,  proposta de temáticas e preprodución.
• Isabel Lema Blanco: produción, presentación e condución do programa.
• Chema Casanova: control técnico.
• Miguel Anxo Facal: edición, posprodución e difusión nas redes sociais.

• ❄ Cambio climático, 🛡 Racismo e xenofobia, 🕵️‍♂️ Desinformación, 🌐 Lingua galega, 🌈 Movemento Queer

Onda Ciencia, o programa de divulgación científica froito da colaboración entre a  Unidade de Divulgación Científica e Cultural da Universidade da Coruña e CUAC FM, pechou a súa terceira tempada con cinco episodios que combinan ciencia, análise sciopolítico e reflexión crítica sobre diversas problemáticas de actualidade. Nesta tempada, o espazo achegouse a temas tan diversos como o cambio climático, a xenofobia, a desinformación, a lingua galega ou a diversidade sexual e de xénero, sempre dende unha perspectiva interdisciplinar e cun enfoque divulgativo.

Episodio 3×1 – Impacto do cambio climático na Coruña

Este episodio abre a tempada afondando nas consecuencias locais do cambio climático, con especial atención á xestión da auga en Galicia. Contou coa participación de Armand Hernández (CICA UDC), Manuel Regueiro (CITEEC) e Pedro Vega, experto en educación ambiental. Analizáronse as medidas de adaptación necesarias e o papel clave da educación para afrontar os retos ambientais.

Episodio 3×2 – Xenofobia e racismo desde unha perspectiva interseccional

Neste episodio debatéronse as causas estruturais da xenofobia e o racismo na sociedade actual. Participaron Laura Oso Casas, José Ángel Brandariz e Mª Montserrat Castro. O programa puxo o foco na discriminación que sofren as persoas migrantes e na importancia das abordaxes interseccionais e das boas prácticas para promover a convivencia e a inclusión.

Episodio 3×3 – Desinformación Nos Medios De Comunicación

A terceira entrega analizou o funcionamento da desinformación como unha auténtica industria global que compromete a democracia. Reflexionouse sobre o papel dos medios, as redes sociais e a intelixencia artificial na difusión de noticias falsas. As convidadas foron as expertas da UDC Laura Morán Fernández, Irene González Martínez e Tamara Pazos Cordal.

Episodio 3×4 – O galego no século XXI: accións e retos

Este episodio abordou a situación actual da lingua galega, que os participantes cualificaron de “emerxencia lingüística”. Participaron Xosé Manuel Sánchez Rei, Iria Sobrino Freire e Xesús Manuel Mosquera Carregal, que defenderon a necesidade dun novo plan de normalización e puxeron en valor o papel dos servizos de normalización e das iniciativas cidadás e xuvenís.

Episodio 3×5 – O ‘queer’ que o cambia todo

O episodio final da tempada centrouse na diversidade sexual e de xénero desde a teoría queer. Pedro Ángel Bogo López, Renée DePalma Ungaro e Ana María Amigo Ventureira exploraron como esta perspectiva cuestiona as normas establecidas e propón unha mirada transformadora sobre a identidade, o coidado e as relacións sociais.

Con esta tempada, Onda Ciencia reafirma o seu compromiso coa divulgación do pensamento crítico e co debate informado sobre os grandes temas de actualidade, axudando a comprender e cómo afrontar, dende o coñecemento científico retos como o cambio climático, a diversidade, a inclusión das personas migrantes, a desinformación ou a defensa da lingua galega dende o ensino e as institucións.

Podes volver a escoitar ONDA CIENCIA no repositorio de podcasts de CUAC FM e nos nosos espazos en Youtube, Spotify, Acast, ou Ivoox.

ONDA CIENCIA é unha iniciativa da Unidade de Divulgación Científica e Cultural da Universidade da Coruña desenvolvida conxuntamente con CUAC FM. A idea, proposta de temáticas e expertas correu a cargo de Yolanda Golías Pérez e Mª Cristina Naya Riveiro.

O equipo técnico está conformado pola doutora Isabel Lema Blanco, na producción, presentación e condución do programa, Chema Casanova, no control técnico, e  Miguel Anxo Facal, e Postprodución e difusión en redes sociais.   

• No último episodio da tempada de Onda Ciencia analizamos o fenómeno queer.
• Pedro Ángel Bogo, Renée DePalma e Ana María Amigo afondan no concepto e na identidade queer.
• Analizamos a necesidade de reformular as prácticas pedagóxicas para amosar a diversidade e cuestionar a reprodución de estereotipos sociais.

O concepto de queer fai referencia a identidades, orientacións e expresións de xénero que non encaixan en categorías tradicionais ou normativas. O fenómeno da queeridade  abórdase de maneira pouco precisa nos medios, amais de ser obxecto de confrontación política ou persecución por parte dalgunhas persoas que se opoñen ao recoñecemento de certas expresións ou identidades que desafían as súas crenzas. Para coñecer máis sobre o movemento queer, no último Onda Ciencia da tempada 2025 convidamos tres persoas expertas da Universidade da Coruña (UDC): 

• Pedro Ángel Bogo López. Educador social, formador experto en diversidade e inclusión. Técnico da Unidade de Atención á Diversidade da UDC.
• Renée DePalma Ungaro. Profesora na Facultade de Ciencias da Educación da UDC, coordinadora do grupo de investigación Educación para Cidadanía Global (ECIGAL) e especialista en pedagoxía queer.
• Ana María Amigo Ventureira. Doutora en Educación pola UDC e experta en teoría queer. A súa tese de doutoramento titulouse «Cisxénero, homofobia e transfobia: o papel das escolas como espazo para a reprodución de discursos discriminatorios».

ESCOITA O PODCAST DE ONDA CIENCIA

Contido

O programa tratou sobre a aparición do movemento queer e afondou nas novas propostas e os paradigmas que postula, a transcender a práctica das correntes sociais antisistémicas para promover novos modelos educativos, definidos baixo o paraugas da «pedagoxía queer». Demos a coñecer tamén o labor da Unidade de Atención á Diversidade da UDC, e abordamos as diferentes violencias que está a sufrir aínda hoxe as persoas que son membros do colectivo LGTBIQ+, desde diferentes institucións, no recoñecemento dos seus dereitos e liberdades.

ESCOITA ONDA CIENCIA

Onda Ciencia pode escoitarse os martes ás 13:00 h no 103.4 da FM e na nosa web en directo streaming: https://cuacfm.org/directo/.

Podes escoitar e descargar todos os episodios do podcast na páxina web do programa: https://cuacfm.org/radioco/programmes/onda-ciencia/.

Tamén podes revisar os episodios das tres tempadas de Onda Ciencia nos espazos de CUAC FM en YouTube, Spotify, Acast, ou Ivoox.

EQUIPO TÉCNICO: 

• Yolanda Golías Pérez e M.ª Cristina Naya Riveiro: idea, proposta de temáticas e expertas.
• Isabel Lema Blanco: produción, presentación e condución do programa.
• Chema Casanova: control técnico.
• Miguel Anxo Facal: edición, posprodución e difusión nas redes sociais.

• Episodio 3X04 “O galego no século XXI: accións e retos”
• Xosé Manuel Sánchez Rei, Iria Sobrino Freire e Xesús Manuel Mosquera Carregal analizan a situación actual do galego nun novo ONDA CIENCIA que pon o foco nas políticas públicas
• Analizamos o papel da propia universidade e o seu servizo de normalización lingüística na promoción do galego nas aulas e na ciencia. 

Ante unha situación de “emerxencia lingüística”, e cunha sociedade cada vez máis sensibilizada e preocupada polo descenso do uso do galego, tamén nos contextos educativos, é preciso facer unha diagnose pausada acerca dos factores que incidiron na perda do uso do galego, así como das accións políticas e educativas que cumpriría adoptar para reverter esta situación. Falamos con tres expertos da Universidade da Coruña: 

• Xosé Manuel Sánchez Rei, profesor titular na Universidade da Coruña na Área de Filoloxía Galega e Portuguesa. Membro do Grupo de Investigación Lingüistica e Literaria Galega (ILLA). O seu campo de estudo é a gramática da lingua galega actual e a linguaxe literaria contemporánea.
• Iria Sobrino Freire, profesora do Dpto. de Didácticas Específicas e Métodos de Investigación e Diagnóstico e membro do Grupo de Investigación Lingüistica e Literaria Galega (ILLA). 
• Xesús Manuel Mosquera Carregal, filólogo e técnico do Servizo de Normalización Lingüística da UDC.

ESCOITA O PODCAST DE ONDA CIENCIA

Contido do programa

Os investigadores e expertos participantes no cuarto episodio de ONDA CIENCIA coinciden en cualificar a situación actual do galego como de “emerxencia lingüística” e cuestionan o papel xogado polas institucións – especialmente a Xunta de Galicia– na promoción do galego entre a mocidade e no conxunto da sociedade.

Apuntan a que en Galicia parece non respectarse debidamente a Carta europea das linguas rexionais ou minoritarias, poñendo o foco no impacto do chamado “decreto do plurilingüismo”. Ante esta situación, estase a promover en Galicia un novo plan xeral de normalización da lingua galega, de cuxo consenso depende o cambio de rumbo da política lingüística.

O programa aborda tamén o papel dos equipos e servizos de normalización lingüística e as diferentes iniciativas e accións de impulso do uso do galego no ensino, tanto obrigatorio como superior, destacando as propostas de innovación pedagóxica para a promoción da lingua impulsadas polo propio estudantado galego e a irrupción dos novos creadores e creadoras de contidos audiovisuais que están apostando pola nosa lingua para divulgar as súas creacións e produtos nas redes sociais.

ESCOITA ONDA CIENCIA

ONDA CIENCIA pode escoitarse os martes ás 13:00 horas no 103.4 da FM e na nosa web (streaming)  https://cuacfm.org/directo/

Podes escoitar e descargar todos os PODCASTS na páxina web do programa

https://cuacfm.org/radioco/programmes/onda-ciencia

Tamén podes revisar os episodios das tres tempadas de ONDA CIENCIA nos espazos de CUAC FM en Youtube, Spotify, Acast, ou Ivoox.

EQUIPO TÉCNICO: 

• Yolanda Golías Pérez e M.ª Cristina Naya Riveiro: idea, proposta de temáticas e expertas.
• Isabel Lema Blanco: produción, presentación e condución do programa.
• Chema Casanova: control técnico do programa.
• Miguel Anxo Facal: edición, posprodución e difusión en redes sociais.

• Episodio 3X03 “Desinformación nos medios de comunicación”
• Conversamos coas expertas da UDC Tamara Pazos, Irene González e Laura Morán
• Abordamos os fenómenos de desinformación no ecosistema mediático que están a socavar a confianza nas institucións e supoñen un risco para a democracia
• Analizamos como funcionan as estratexias de transmisión de loiadas a través das redes sociais e como afectan aos sectores máis vulnerables, como a adolescencia 

Os expertos alertan sobre a existencia dunha “industria da desinformación” que busca erosionar a democracia, socavar a confianza nas institucións e manipular a opinión pública. Para afondar nas causas e nas consecuencias da proliferación de falsidades ou loiadas e de información manipulada nas redes sociais conversamos con tres investigadoras da Universidade da Coruña:

• Laura Morán Fernández, profesora da Facultade de Informática e Membro do Grupo de Investigación Laboratorio de Investigación e Desenvolvemento en Intelixencia Artificial (LIDIA)
• Irene González Martínez, profesora da Facultade de Dereito, investigadora no proxecto “Comunicación e publicidade dixital non discriminatoria para unha sociedade xusta e igualitaria”.
• Tamara Pazos Cordal, bióloga, neurocientífica e responsable de Comunicación e Divulgación Científica do Centro Interdisciplinar de Química e Bioloxía (CICA) da UDC.

ESCOITA O PODCAST DE ONDA CIENCIA

Contido do programa

As expertas da UDC debaten sobre as razóns e factores psicosociais e normativos que alimentan a proliferación de mentiras ou loiadas e a desinformación nos medios de comunicación. Un fenómeno amplificado polo auxe das redes sociais e a intelixencia artificial, que intensifican a capacidade de influencia sobre grupos especialmente vulnerables ás mensaxes falsas, con efectos prexudiciais que poden menoscabar a saúde física ou mental.

Así mesmo, entre os principais riscos as convidadas sinalan a afectación ao funcionamento democrático en contextos como o europeo, onde está consolidándose o discurso do odio, racismo e xenofobia, así como mensaxes conspiranoides ou negacionistas científicos.

O programa tamén pon o acento nas posibles solucións, estratexias e abordaxes para contrarrestar este fenómeno, como unha mellor alfabetización mediática e informacional da poboación, a adopción de boas prácticas comunicativas por parte dos propios divulgadores científicos ou a responsabilidade no uso das pantallas en poboacións vulnerables.

ESCOITA ONDA CIENCIA

ONDA CIENCIA pode escoitarse os martes ás 13:00 horas no 103.4 da FM e na nosa web (streaming)  https://cuacfm.org/directo/

Podes escoitar e descargar todos os PODCASTS na páxina web do programa

https://cuacfm.org/radioco/programmes/onda-ciencia

Tamén podes revisar os episodios das tres tempadas de ONDA CIENCIA nos espazos de CUAC FM en Youtube, Spotify, Acast, ou Ivoox.

EQUIPO TÉCNICO: 

• Yolanda Golías Pérez e M.ª Cristina Naya Riveiro: idea, proposta de temáticas e expertas.
• Isabel Lema Blanco: produción, presentación e condución do programa.
• Chema Casanova: control técnico do programa.
• Miguel Anxo Facal: edición, posprodución e difusión en redes sociais.

• Episodio 3X02 “Xenofobia e racismo desde unha perspectiva interseccional”
• Analizamos os fenómenos da xenofobia e o racismo con Laura Oso, José Ángel Brandariz e Montserrat Castro, docentes da Universidade da Coruña, cunha longa traxectoria investigadora nos campos da socioloxía, o dereito e as ciencias da educación.   

Nun momento de auxe do discurso racista e xenófobo en toda Europa, é preciso afondar nas razóns polas que arraiga este tipo de discurso en países que contan cunha longa historia migratoria como España e, especialmente, Galicia. Para iso, neste segundo episodio de Onda Ciencia conversamos con Laura Oso Casas, catedrática de Socioloxía e coordinadora do Grupo ESOMI (Equipo de Investigación Sociedades en Movimiento) no período 2011-2024; José Ángel Brandariz García, catedrático de Dereito Penal e Criminoloxía e membro do  Grupo de investigación Criminoloxía, Psicoloxía Xurídica e Xustiza Penal no século XXI; e Montserrat Castro Rodríguez, profesora contratada doutora do Departamento de Pedagoxía e Didáctica da Facultade de Ciencias da Educación e membro do Grupo de Investigación en Innovacións Educativas.

ESCOITA O PODCAST DE ONDA CIENCIA:

CONTIDO

Laura Oso, Jose Ángel Brandariz e Montserrat Castro reflexionaron, ao longo desta conversa, acerca das causas subxacentes ás actitudes de xenofobia e racismo en España e Europa, así como os principais tipos de discriminación e estigma aos que se enfrontan as persoas migrantes que tentan facer un proxecto vital no noso país.

Porén, os expertos poñen o foco no papel que xogan as institucións, para combater factores culturais e educativos que fan perdurar a discriminación e medo ás persoas que profesan culturas e relixións diferentes. Neste senso, os nosos convidados compartiron diferentes experiencias de intervención e estratexias socioeducativas destacadas que serven de exemplo de boas prácticas en materia de integración sociocomunitaria da poboación migrante. 

ESCOITA ONDA CIENCIA

ONDA CIENCIA pode escoitarse os martes ás 13:00 horas no 103.4 da FM e na nosa web (streaming)  https://cuacfm.org/directo/

Podes escoitar e descargar todos os PODCASTS na Web de ONDA CIENCIA.

Tamén podes revisar os episodios das tres tempadas de ONDA CIENCIA nos espazos de CUAC FM en Youtube, Spotify, Acast, ou Ivoox.

EQUIPO TÉCNICO: 

• Yolanda Golías Pérez e M.ª Cristina Naya Riveiro: idea, proposta de temáticas e expertas.
• Isabel Lema Blanco: produción, presentación e condución do programa.
• Mariano Fernández Cabarcos e Chema Casanova: control técnico do programa.
• Miguel Anxo Facal: posprodución e difusión en redes sociais.

• Episodio 3X01 «Cambio Climático na Coruña: impacto local e estratexias de adaptación para minimizar os riscos climáticos»
• Falamos sobre os riscos derivados do cambio climático con tres expertos da Universidade da Coruña: Pedro Vega Marcote, Manuel Regueiro Picallo e Armand Hernández Hernández

A terceira tempada de ONDA CIENCIA deu comezo cun primeiro programa dedicado á análise dos riscos derivados do cambio climático desde unha perspectiva interdisciplinaria. A DINA sufrida na Comunidade Valenciana a finais de 2024 ou os alarmantes incendios acontecidos en California amosan a fraxilidade das urbes ante os fenómenos climáticos extremos.

En ONDA CIENCIA quixemos saber como está afectando o cambio climático na Coruña (e, por extensión, Galicia) e coñecer as diferentes medidas e estratexias que deberiamos desenvolver, como comunidade, para nos adaptar ao riscos climáticos o mellor posible. Para iso, conversamos con tres expertos da Universidade da Coruña cunha extensa traxectoria investigadora neste eido:

• Armand Hernández Hernández. Investigador do CICA (Centro Interdisciplinario de Química e Bioloxía), membro do Grupo de Investigación en Cambio Ambiental e director da Oficina de Sustentabilidade da UDC.
• Manuel Alberto Regueiro Picallo. Investigador posdoutoral no CITEEC – Centro de Innovación Tecnolóxica en Edificación e Enxeñaría Civil e membro do Grupo de investigación de Enxeñaría da Auga e do Medio Ambiente.
• Pedro José Vega Marcote. Profesor/a titular do Departamento de Pedagoxía e Didáctica da Facultade de Ciencias da Educación, experto en didáctica das ciencias e ambientalización curricular.

ESCOITA O PODCAST DE ONDA CIENCIA:

CONTIDO

Desde unha perspectiva local, os expertos afondaron na necesidade de transformar a actual xestión dos recursos hídricos en Galicia, para se anticipar e adaptar aos cambios derivados do cambio climático, o que implica unha mellora dos sistemas de auga urbana.

Porén, desde un enfoque pedagóxico, afóndase na ambientalización curricular dos estudos universitarios e na mellora da formación dos futuros docentes, como estratexias clave para conciencia e mellorar as competencias de acción climática da cidadanía.

Así mesmo, os expertos alertan do fenómeno da desinformación que pode afectar a percepción social do cambio climático e evidencia un incremento da porcentaxe de «negacionistas climáticos» nos últimos anos. 

ESCOITA ONDA CIENCIA

ONDA CIENCIA pódese escoitar os martes ás 13:00 horas no 103.4 da FM e na nosa web (streaming)  https://cuacfm.org/directo/

Podes escoitar e descargar todos os PODCASTS na web do programa

Tamén podes revisar os episodios das tres tempadas de ONDA CIENCIA nos espazos de CUAC FM en Youtube (con subtítulos en galego), Spotify, Acast, ou Ivoox.

EQUIPO TÉCNICO: 

• Yolanda Golías Pérez e Mª Cristina Naya Riveiro: idea, proposta de temáticas e expertas
• Isabel Lema Blanco: produción, presentación e condución do programa
• Mariano Fernández Cabarcos e Chema Casanova: control técnico do programa
• Miguel Anxo Facal: posprodución e difusión en redes sociais

A Intelixencia Artificial ten múltiples utilidades nunha ampla diversidade de campos, mais tamén o uso masivo de certas ferramentas plantexa novos riscos e retos, como, por exemplo, a infrarrepresentación de linguas como o galego na intelixencia artificial xenerativa.

Para coñecer en profundidade como funcionan estas IAs e o impacto que teñen na educación, falamos con tres expertos da facultade de Informática da UDC:

• Miguel Ángel Alonso Pardo. Profesor Titular no dpto. de Ciencias da Computación e Tecnoloxías da Información e membro do Grupo de investigación Lingua e Sociedade da Información. 
• Sara Guerreiro Santalla. Profesora do departamento de Ciencias da Computación e Tecnoloxías da Información e membro do Grupo Integrado de Enxeñería. 
• Javier Parapar López. Profesor Titular no dpto. de Ciencias da Computación e Tecnoloxías da Información e membro do grupo de investigación Information Retrieval Lab. 

O programa afonda no funcionamento dos modelos de IA xenerativa (ex. Chat GPT), o desenvolvemento dunha IA en galego chamada “Ola Cabuxa” (CITIC-UDC), así como a abordaxe da IA tanto nos estudos preuniversitarios como nos estudos superiores, e as liñas de investigación que se están a desenvolver dende a UDC sobre intelixencia artificial.

ESCOITA O PODCAST

DIVULGACIÓN CIENTÍFICA 

ONDA CIENCIA aborda diferentes temáticas de actualidade desde unha perspectiva crítica e baseada na evidencia científica. O formato do programa é un coloquio en que participan membros do profesorado ou persoal investigador da UDC, expertos nunha temática concreta sobre o que versa cada programa. 

EQUIPO

O equipo técnico do programa é o seguinte:

• Isabel Lema Blanco, na produción e presentación do programa.
• Chema Casanova, no control técnico.
• Miguel Anxo Facal, na posprodución, edición e difusión do programa.
• Yolanda Golías Pérez e M.ª Cristina Naya Riveiro, na preprodución.

ESCOITA ONDA CIENCIA 

Podes escoitar ONDA CIENCIA na sintonía de CUAC FM, no 103.4 da FM coruñesa, e dende calquera parte do mundo descargando os podcasts a través da web https://cuacfm.org e das aplicacións móbiles para Android e Apple.