A partires do vindeiro 4 de agosto, ás 9:00 e ás 13:00 horas, CUAC FM emitirá Play e Perspectiva, un novo podcast que propón unha ollada crítica e enriquecedora sobre o papel da muller no mundo audiovisual.

Este podcast é froito dun proxecto colaborativo e de innovación pedagóxica entre CUAC FM e a Facultade de Ciencias da Comunicación da Universidade da Coruña. A idea xurdiu das profesoras Mónica López Galán e Patricia Comesaña, docentes da materia “Historia da Radio, Televisión, Multimedia e Videoxogos” (1º curso do grado de Comunicación Audiovisual), a través do que quixeron poñer en valor a figura das mulleres na historia dos medios de comunicación, empregando o formato de audio.

Pola súa parte, CUAC FM desenvolveu diferentes accións neste proxecto, como a proxección do documental “Nada que Ver” e coloquio con Isabel Lema, Iago Prada e Miguel Anxo Facal no salón de actos da Facultade de Socioloxía e Ciencias da Comunicación. Seguidamente, CUAC desenvolveu un Obradoiro de Produción e Edición de Podcasts, de man de Bea Ulalume e Mariano Fernández.

Finalmente, os estudantes desta materia tiveron a oportunidade de gravar os seus podcasts nos estudos de CUAC FM, recibindo unha formación específica sobre locución e mesa de son impartida polos membros da escola de radio e asociacionismo de CUAC, Mariano Fernández, Roberto Ansede, Roberto Catoira e Estela López. 

PLAY Y PERSPECTIVA

Play y perspectiva é o resultado deste proxecto colaborativo no que o estudantado de Comunicación Audiovisual da UDC produciu un total de 15 episodios, que abordan o percorrido histórico e actual da representación feminina nos medios como a radio, a televisión, o cine, a publicidade, o multimedia e os videoxogos.

Cada episodio de Play y Perspectiva presenta unha temática concreta co obxectivo de analizar estereotipos, visibilizar referentes femininos e dar voz a mulleres que están a transformar a narrativa audiovisual, con entrevistas a figuras como Emma Lustres (Vaca Films) ou a actriz galega Lena Fernández.

Algúns dos temas que se tratarán son:

• Arquetipos e evolución dos personaxes femininos nos videoxogos
• Hipersexualización e cosificación na publicidade de cosméticos e perfumes
• A muller como directora de cinema e figura clave na televisión
• O xornalismo de guerra contado desde a experiencia feminina
• Hedy Lamarr: do glamour ao xenio oculto
• Presenza e retos das mulleres na industria dos videoxogos

Un podcast con perspectiva crítica e histórica

Play y Perspectiva é unha invitación a cuestionar como se representou a muller nos medios e a descubrir o papel transformador que moitas profesionais están a asumir na actualidade.

Cada episodio estará dispoñible semanalmente na web de Play e perspectiva, no repositorio de podcasts de CUAC FM e nas principais plataformas de audio.

🔊 Non perdas a estrea o 4 de agosto.
Explora o audiovisual con outra ollada. Dá ao Play… e cambia a Perspectiva.

Episodios e autoría dos mesmos:  

• Arquetipos femeninos en los videojuegos. Autores: Area Gómez de la Fuente, Ainhoa Cabezas González, Laura González Vázquez, Sergio Fernández Muíño.
• De cero a héroe. El papel de la mujer en los videojuegos. Autores: Manuel Díaz Castro, Laura González Freire , Irene Alonso Pérez, Iyana  Fernández Feito.
• Desmaquillando estereotipos, la mujer en la publicidad de los cosméticos. Autores: Sara Ramos, Antía Raso, Antía Val y Carla Valdés.
• El papel de la mujer en la dirección del cine como referente de la mujer en televisión. Autoras: María Victoria Guzmán, Paula Pardo, Nerea Gregores y – Uxía Maneiro.
• El periodismo de guerra desde la perspectiva de la mujer. Autores: Sara López, Andrea Quintáns, Lucía Fugui Romero, Karl Matthew Brauneis.
• Heidy Lamarr. Autoras: Xiana Longarela Yánez, Irene Pedreira Rey, Sara Míguez Silva.
• Hipersexualización de la mujer en los videojuegos.  Autores: Adrián Edreira Rivas, Amor González , Alexandra Couto Ares, Silvia Dapena Suárez.
• La cosificación de la mujer en los anuncios de perfume. Autores: Diego Reyes Henao , Samuel Reinaldo Losada, Adrián Vázquez Iglesias, Silvia Ovalle Núñez, Lucas Ramos Vega.
• La mujer en la industria audiovisual. Entrevista a Emma Lustres (Vaca Films). Autores: Carmen Iglesias, Adrián Pena, Pablo Pereiró, Iker López.
• La mujer en la publicidad. Autora: Ana Varela Torre.
• Las mujeres en la industria de los videojuegos. Autoras: Alba Estévez Rodríguez, Elena García Álvarez, Saray Castro González, Celia Espina Fernández.
• Las protagonistas femeninas de las películas de Studio Ghibli. Autores: Adán López González, Alejandro Príncipe Ávila, Manar Naim y Silvia Piña López.
• Mujeres, Marcas y Medios, el papel de la mujer en la publicidad deportiva. Autores: Carlos Segovia, Andrea Rodríguez, Carla Vázquez.
• Mujeres que comunican. Entrevista a la actriz gallega Lena Fernández. Autores: Sergio López González, Asís Kibari.
• Sempiterna delgadez. Autoras: Sara Rodríguez Botana, Paula Rodríguez Sedes, Rita Senra Rivas.

O Colectivo de Universitarios Activos -CUAC- celebrará esta fin de semana a ESCOLA DE OUTONO “CONSTRUÍNDO MEDIOS COMUNITARIOS MÁIS RESILIENTES“, aberta a calquera persoa interesada en coñecer máis de preto a labor das radios comunitarias.

A Escola desenvolveráse a tarde do venres 19 de novembro e a mañá do sábado 20 de novembro de 2021. O lugar do evento é a Aula Náutica da Universidade da Coruña (Dique de Abrigo. Dique Barrié de la Maza, s/n., 15001 A Coruña).

A inscripción na Escola é gratuíta e aberta, ata completar o aforo. Para participar deberá cumprimentarse este FORMULARIO.

A Escola de CUAC está destinada á formación e empoderamiento de comunicadoras sociais pertencentes ás radios comunitarias. Contaremos coa participación nos diferentes paneis de experiencias, de representantes de ONDA MERLÍN COMUNITARIA (Madrid), ONDA COLOR (Málaga), RADIO TELEVISIÓN DE CARDEDEU (Cardedeu), RADIO FILISPIM (Ferrol), RADIO SIBERIA (Vitoria-Gasteiz), e RICCAP, a Rede de Investigadores en Comunicación Comunitaria, Alternativa e Participativa. Dende CUAC FM participarán os responsables do programa “Escuela de Familias” da Coordinadora de Tecnoloxía de CUAC FM, que presentarán o proxecto de innovación tecnolóxica para desenvolver un estudo remoto de radio para afrontar o impacto da COVID-19.

PROGRAMA

VENRES 19.11.2021

17:00 Inauguración da Escola

17.15 As radios comunitarias como ferramentas dinamizadoras da comunidade

Presenta e modera: Puerto Pérez Domínguez

• A experiencia de acción social de Onda Color no barrio de Palma Palmilla. Alejandro Blanco, Onda Color (Málaga).
• Empoderando as redes veciñais do barrio de Villaverde a través da radio comunitaria. Alicia Barba Baños e José Manuel Mínguez, Onda Merlín Comunitaria (Madrid).
• Escuela de Familias. Un programa para a sensibilización intercultural e a participación das familias migrantes na escola. Duvraska Plaza, CUAC FM (A Coruña).
• Coloquio

18.30. Resiliencia frente á pandemia. Éxitos e aprendizaxes das radios comunitarias en tempos de coronavirus.

Presenta e modera: Paula Alonso Carracedo

• A fortaleza do traballo en rede: a experiencia da Rede de Medios Comunitarios. Begoña Sánchez Corrales, Radio Siberia (Vitoria-Gasteiz).
• A importancia da radio e televisión de proximidade: o exemplo de Radio Televisión de Cardedeu. Manel Calvet Arrollo, RTVC (Cardedeu).
• A resposta de Radio Filispim aos retos da pandemia. Vicente Irisarri. Radio Filispim (Ferrolterra). 
• A innovación tecnolóxica ao servizo da radio comunitaria, a experiencia de Cuac FM. Chema Casanova e Fernando Souto, CUAC FM (A Coruña).
• Coloquio 

19:45. Presentación do libro: “La Comunicación Desde Abajo. Historia, sentidos y prácticas de la comunicación alternativa en España”

Presenta e modera: Mariano Fernández Cabarcos

• Alejandro Barranquero (coordinador, presidente de RICCAP)
• Isabel Lema Blanco (coautora)

20:00. Peche da xornada.

SÁBADO 20.11.2021

10:30 Sustentabilidade do Terceiro Sector da Comunicación. Deseño e aplicación de indicadores

Presenta: Isabel Lema Blanco

• Alejandro Barranquero, coordinador do proxecto SOSCom, Universidad Carlos III (Madrid)

10:45 Visualizando o futuro. Taller de escenarios para as radios comunitarias.

• Facilitadores: Isabel Lema Blanco (Universidade da Coruña) e Alejandro Barranquero (Universidad Carlos III)
• Participantes: todas os/as radioactivistas asistentes.

12:00 Taller: ON AIR: Reiniciando CUAC FM

• Facilitadores: María Martínez e Martín Añel
• Participantes: todas as persoas asistentes.

14:30. Peche da Escola

ACTIVIDADE SUBVENCIONADA POR

COA COLABORACIÓN DE

Radio Libremente é a radio do Centro Penitenciario de Monterroso, unha iniciativa enmarcada no Plan de Animación Sociocultural desa prisión, impulsada por Aliad Ultreia e no Grupo SEPA (Universidade de Santiago de Compostela).

Os programas están elaborados e locutados por un grupo de internos, formados previamente en radio. Todo iso foi posible grazas á participación activa da asociación Melisa, ao fronte do control técnico. (https://www.melisa.gal/) (https://www.aliad.org/). Tamén a Escola de Radio de Cuac FM, desplazouse ata ese espazo na provincia de Lugo onde impartiu formacións radiofónicas.

O proxecto pretende empregar as potencialidades de facer radio para aprender a respetar, dialogar e traballar en equipo.

El equipo está composto por:

Bibu, Jefferson, Braulio y Johny: Elaboración, locución e gravación
Miguel, María e Paula (asociación Aliad Ultreia e asociación Melisa) : producción programas
Jorge e Miguel (asociación Melisa): control técnico, edición, montaxe e emisión de programas

Os audios elaborados serán emitidos en Cuac FM os mércores ás 18:00h, e poderán ser escoitados a continuación na web e nas apps da radio comunitaria da Coruña.

https://cuacfm.org/radioco/programmes/radio-libremente/

O alumnado de Producción do centro de Someso asistiu a unha charla formativa por parte do equipo da Escola de Radio de CUAC.

O día 17 de maio ás 22:00 horas, Día das Letras galegas, está previsto que se emita o programa inaugural realizado polo Alumnado de Producción da Escola de Imaxe e Son da Coruña. O proxecto radiofónico terá unha periodicidade mensual e conta co apoio de duas docentes, Olga e Olaia. Como todas as emisións de CUAC FM, poderase disfrutar en formato podcast unha vez emitido.

Co título de A Guarida Violeta deixamos que a túa imaxinación xogue a pensar cales serán os contidos.

A Escola de Radio de CUAC FM desplazouse ata as suas instalación para ofrecer un par de módulos formativos a cargo de Paula Alonso e Tomi Legido, co obxectivo de aportar os coñecementos acumulados na nosa Radio Comunitaria e dar a coñecer tanto o movemento de medios comunitarios como os principais trucos á hora de afrontar a realización e emisión dun programa de radio.

Agardamos que A Guarida Violeta teña unha longa traxectoria en CUAC FM e que tanto ointes como o equipo do programa disfrutedes das emisións.

Cuac FM desenvolveu neste mes de xullo un obradoiro de radio no penal de Monterroso, dentro do programa de animación socicultural “xerando oportunidades de participación en prisión”.

O obxectivo deste obradoiro de radio é axudar a desenvolver competencias mediáticas ás 15 persoas presas participantes e que serán as responsables despois de dar continuidade ao proxecto de radio no penal de Monterroso “Radio LibreMente”.

Ao logo de tres módulos, os participantes aprenderon coñecementos prácticos para o deseño dun proxecto de radio, pre e post producción dun programa de radio, linguaxe radiofónica, así como técnicas de locución e conducción dun programa radiofónico.

O proxecto está coordinado pola ONG Aliad-Ultreia e conta coa involucración da Escola de Radio e Asociacionismo de Cuac FM, a Asociación de usuarios de software libre da Terra de Melide MELISA, e o grupo de investigación SEPA-Interea da Universidade de Santiago de Compostela e a logopeda Noelia Geada.

Dende Cuac, os nosos compañeiros Roberto Catoira, Bea Ulalume, Mariano Fernández e Tomi Desastre foron os responsables de coordinar a actividade e desenvolver o obradoiro.

Coa chegada do mes de setembro a emisora comunitaria da Coruña CUAC FM comeza a retomar a sua actividade. Múltiples programas regresan durante este mes as suas emisións coas temáticas máis diversas, algo que caracteriza á emisora. Nesta ligazón podes consultar os programas que emiten cada día en directo. A radio coruñesa pódese escoitar en streaming ou a través dos podcast, todo dispoñible na web cuacfm.org e nas Apps gratuita para Android e Ios.

A emisión en FM (103.4) segue sen estar dispoñible pola prohibición expresa da Xunta de Galicia con nova ameaza de sanción, pese a considerar esa administración que os 21 anos de emisión en FM non eran merecedores de sanción. Dispoñer da licenza que se nos solicita é imposible actualmente (como desmostramos con ampla documentación ante a propia Xunta), pese a que a lexislación vixente tanto española como galega recolle a existencia dos Medios Comunitarios como un dereito da cidadanía (tanto de emitir neles como de recibir o seu sinal). CUAC FM segue a loita a través da xustiza para regresar á Frecuencia Modulada, apoiada por institucións tan relevantes como o Pleno da Deputación da Coruña e o propio Pleno do Concello da Coruña ou a Universidade da Coruña, onde se atopan as nosas instalacións.

Seguiremos informando porque #CuacResiste e #Cuacnonserinde. Se calquera persoa, colectivo ou asociación desexa emitir en CUAC FM, na nova tempada que comeza oficialmente o 1 de outubro, pode enviar un correo a comunicacion@cuacfm.org.

Grazas de novo a Santy Gutiérrez por esta viñeda que expresa nunha imaxe unha das múltiples inxustizas coas que convivimos a diario.

Obradoiro de radio e cultura o vernes 20 ás 18:00 no Centro Cívico de San Diego dinamizado por CUAC FM

CUAC FM busca a xente creativa, amante das artes escénicas, das letras, da música e do teatro,  de calquera expresión artística ou cultural para participar nun “experimento sonoro” de barrio. 

Se te moves polos Castros, A Gaiteira, Castrillón, Elvina. Catro Camiños, Oza… Achégate este venres ás 18:00 horas ao Centro Cívico de San Diego e participa no Taller. 

INSCRIPCIÓN GRATUÍTA: escríbenos a comunicacion@cuacfm.org (Asunto Radio Barrio).

Isto sucedeu no Radio Barrio  #1 Radio Barrio en Monte Alto

CUAC FM ofrece a posibilidade de formarse para poder emitir na Radio Comunitaria da Coruña.

Comeza o 22º curso radiofónico de CUAC FM e calquera persoa que o desexe pode sumarse a nosa programación. Para iso é imprescindible asistir a tres módulos formativos que impartimos dende a nosa Escola de Radio. O curso non ten custe algún, pero en caso de desexar completar a formación debes asociarte a CUAC.

As cuotas son de 1 euro ao mes para persoas estudantes, paradas ou xubiladas e 2 euros para o resto.

As formacións previstas para este mes son:

O programa “A FUME DE CAROZO” de CUAC FM celebrou recentemente os seus 200 programas en antena, e fíxoo dun xeito moi especial: cun fantástico vídeo homenaxe que compartimos con todos vós.

“A Fume de Carozo” é un obradoiro de radio que o Equipo de Dinamización da Lingua Galega do Colexio Calasanz de A Coruña desenvolve na emisora comunitaria CUAC FM, e no que participan alumnado e profesorado de todas as etapas educativas.

Así mesmo, “A Fume de Carozo” pon os seus “micros” a disposición de outros centros educativos galegos que estean interesados en empregar a radio como un recurso pedagóxico e de dinamización lingüística.

“A Fume de Carozo” Emítense todos os martes de outubro a maio, de 17:00 a 18:00 h,

NORABOA aos creadores do vídeo e a todos os nenos e nenas, profesores e profesoras que pasaron polos micros de Cuac Fm ao longo destes 200 e pico programas. E que sexan moitos máis!!!

CUAC FM INAUGURA MAÑÁ VERNES 15, A SÚA I ESCOLA DE VERÁN COAS XORNADAS SOBRE COMUNICACIÓN, CULTURA, DESENVOLVEMENTO COMUNITARIO E INCLUSIÓN SOCIAL

• A Escola reunirá na Aula Náutica da Universidade da Coruña (Dique de Abrigo) os días 15, 16 e 17 a preto de 50 comunicadores, activistas sociais e investigadores chegados de España, Francia e Portugal
• A Escola continuará o sábado e o domingo co obradoiro “Construíndo redes para unha comunicación alternativa”.
• As tecnoloxías libres tamén teñen un oco coa celebración dun Hackaton que reunirá a redes de software libre e medios libres de Galicia.
• Os obradoiros de xornalismo e radioficción ensinarán aos participantes como producir un programa de radio nunha emisora comunitaria

CUAC FM, a radio comunitaria da Coruña, dentro das actividades do XX aniversario, inaugurará o venres 15 de xullo, na Aula Náutica da Universidade da Coruña (Dique de Abrigo), as xornadas “Comunicación para a dinamización cultural, a inclusión social e o desenvolvemento comunitario”, nas que participarán Hakan Casares (Consello da Cultura Galega), Carlos Callón (Mesa pola Normalización Lingüística), Agus Hernán (Sindicato Nacional de Radios Libres Francés), Tono Eidán (Proxecto Cárcere),  Roberto Catoira (Asociación Cultural Alexandre Bóveda) e Beatriz González de Canales (Isto é Galego, CUAC FM).

A Xornada do vernes rematará cun Radio Show conducido por Tomi Desastre no que lembraremos os mellores momentos radiofónicos de 20 anos de emisión.

Na xornada do sábado analizaremos o rol dos medios de comunicación como ferramentas de dinamización comunitaria e inclusión social. Representantes de medios comunitarios do Estado, como Alejandro Blanco (Onda Color Málaga), Jokin Garmilla (Radio Valdivieso), Javier García (Unión de Radios Comunitarias de Madrid) compartirán experiencias con Juan de Sola (Coordinadora Galega de ONDGs), Isabel Lema e María Castelo (CUAC FM), Roberto Catoira (A Fume de Carozo), Paula Tome (Radio Prometea), Clara de Vega (Padre Rubinos) e Carlos Reguera e Hortensia Rossi (Foro Galego da Inmigración).

Na tarde do 16 de xullo desenvolveremos diversos espazos de formación e traballo en rede. De maneira simultánea, desenvolverase un obradoiro de xornalismo e radioficción e un encontro de “radios libres e software libre” no que os participantes artelláran recursos tecnolóxicos para as radios libres.

A Escola de Verán de CUAC rematará o domingo de mañá cun encontro entre redes de radios galegas (CUAC FM, A Kalimera), redes de medios do Estado (ReMC, Arrosa, EMA-RTV), Portugal e Europa (AMARC, SNRL). Os participantes debaterán os retos aos que se enfronta o terceiro sector da comunicación e artellarán estratexias para una defensa dos dereitos dos medios comunitarios.

Preto de cincuenta persoas formalizaron a inscrición nas actividades da Escola, quedando aínda prazas libres. Os interesados poden inscribirse na web cuacfm.org.

A Escola de verán de CUAC FM é unha actividade educativa aberta a calquera persoa interesada e que conta coa colaboración da Universidade da Coruña, Deputación da Coruña e Obra Social La Caixa.

A Escola de Verán de CUAC FM forma parte das actividades do XX aniversario de CUAC FM. O pasado luns anunciabamos o fallo do XVIII Concurso de bandas de CUAC, premiando ás tres bandas que actuarán no Festival Noroeste Estrella Galicia.