CUAC FM emitiu onte, mércores 12 de agosto, un especial en directo dende o Monte da Fraga con motivo da eclipse solar total vivida na Coruña. Entrevistas, música e a experiencia única do momento de totalidade xa están dispoñibles en vídeo para quen queira revivilo ou descubrilo por primeira vez.

CUAC FM emitiu onte, mércores 12 de agosto, o seu Especial Eclipse Total, un programa en directo dende o Monte da Fraga que acompañou á cidade da Coruña durante a eclipse solar total, coa colaboración da Universidade da Coruña e da Deputación da Coruña.

Ao longo de tres horas de emisión, o programa contou coa participación de diversos convidados e convidadas: o cosmólogo galego Antón Baleato, o músico Carlos Núñez, o reitor da UDC Ricardo Cao, o delegado da AEMET en Galicia Francisco Infante, e Begoña Duro, secretaria da Agrupación IO, ademais de acompañar en directo o momento da eclipse total. O programa contou ademáis con seccións de mitoloxía, humor e as conexións dos reporteiros por toda a cidade.

Quen non puido seguir a emisión en directo, ou quen queira revivir algún momento en concreto, xa pode facelo a través do vídeo completo do programa ou escoitar o podcast na web ou na app de CUAC FM.

30 Aniversario CUAC FM

1×34 Especial Eclipse Total

Programa especial emitido dende o Monte da Fraga, no campus da Zapateira, con motivo da eclipse total do 12 de agosto de 2026.

0:00 / 0:00

A Coruña vivirá o próximo 12 de agosto un dos fenómenos astronómicos máis esperados da década: unha eclipse solar total, cunha fase de totalidade duns 76 segundos e o momento máximo previsto arredor das 20:28 horas. CUAC FM, no marco do seu 30º aniversario, emitirá un especial en directo dende o Monte da Fraga para acompañar este acontecemento.

CUAC FM emitirá un programa especial en directo con motivo da eclipse solar total que se poderá observar dende A Coruña o próximo 12 de agosto. A emisora, que este ano celebra o seu 30º aniversario, quere achegar este fenómeno á audiencia cun especial que combine información astronómica e a experiencia en directo do momento de totalidade.

O especial emitirase dende o Monte da Fraga, en horario de 18:00 a 21:00 horas, dúas horas de directo ininterrompido arredor do momento máximo da eclipse. O programa contará con persoas convidadas, poesía, percorrerá tamén o lado máis mitolóxico do fenómeno e terá conexións en directo dende distintos puntos da cidade para coñecer como se vive a eclipse en cada un deles. Ademais, quen o desexe poderá seguir o especial tamén en vídeo. Todo isto grazas á colaboración inestimable da Universidade da Coruña, que fai posible esta emisión especial. A audiencia poderá participar no programa a través de WhatsApp, no número 644 737 303.

CUAC FM recorda que, para observar directamente o sol antes e despois da fase de totalidade, é imprescindible empregar filtros solares homologados, xa que mirar directamente ao sol sen protección adecuada pode causar danos oculares graves.

O vindeiro sábado 9 de maio, CUAC FM, a radio comunitaria da Coruña, sairá de novo á rúa. Co gallo da celebración da 30 edición do Día da Ciencia na Rúa, CUAC FM emitirá un programa especial, en directo, desde os Cantóns da Coruña, ubicando seu estudo de emisión de radio en exteriores no icónico Palco da Música dos Xardíns de Méndez Núñez.

Baixo a batuta de Isa Lema, Samu Cao e Cami Rey, o programa dará comezo ás 11:00 horas e rematará ás 14:00 horas. 3 horas de radio en directo para achegar a ciencia, a tecnoloxía e o coñecemento a toda a cidadanía, cun ollo posto no ceo e outro nos desafíos sociais do noso tempo.

A eclipse de agosto de 2026: protagonista absoluta

A poucos meses do gran evento astronómico do ano, a eclipse solar do 12 de agosto, dedicaremos unha parte fundamental da nosa emisión a entender este fenómeno. Contaremos coa Asociación ÍO e a presenza de Óscar Blanco (que leva 9 eclipses ás súas costas), xunto a Carmen Denébola e Ángel Daniel Arós, para darnos as claves de como gozar da eclipse sen desesperar no intento. Ademais, a Universidade da Coruña (UDC), representada pola Vicerreitora de Vicerreitora de Divulgación, Cultura e Deporte, Cristina Naya, e a coordinadora da  Unidade de Divulgación Científica, Yolanda Golías, detallaranos as actividades que a universidade está a planificar arredor da astronomía e a divulgación científica para os vindeiros meses.

Ciencia con conciencia e compromiso social

Este ano, a ciencia non só se mira a través do telescopio. Recibiremos á doutora arquitecta e urbanista Patricia Muñiz Núñez (Premio Xoán Vicente Viqueira da Deputación da Coruña), presidenta da ONGD Habitamos, para falar sobre a vivenda en situación de conflito e emerxencia, analizando o seu traballo en Mozambique. Acompañaranos Luciano Alfaya, Decano do COAG, con quen afondaremos sobre e a importancia da sustentabilidade e a visión humanística na planificación urbanística, como garante do dereito á vivenda.

Somerxerémonos no futuro dixital co CITIC-UDC. Xabier Pérez-Couto, Paloma Piot e Irene Brage amosaranos como a Intelixencia Artificial axuda a recoñecer manchas solares, como a realidade virtual nos permite navegar pola galaxia co telescopio Gaia e como a robótica cognitiva pode ser unha ferramenta de inclusión a través do proxecto Talentos Inclusivos.

Os centros educativos: o corazón do programa

O Palco da Música será o punto de encontro para o estudantado e o profesorado que amosarán os seus experimentos en directo:

• IES Ortigueira: O lanzamento de satélites CANSAT e experimentos colorimétricos.
• Colexio Calasanz: A revolución do hidróxeno verde.
• IES A Sardiñeira: Demostracións científicas e ambiente escolar.
• CPR Chíos: Un obradoiro vital de primeiros auxilios e dignificación dos coidados de enfermaría.
• CPR Liceo La Paz: Drawbots con materiais reciclados, maquetas de ecosistemas e divulgación científica.
• CEIPP Vicente Otero Valcárcel de Carral: O talento máis novo vindo directamente dende a comarca.

Radio a pé de rúa

Non faltará o pulso do que sucede fóra do palco. Os nosos equipos de reporteiros e reporteiras compostos por Estela, Hortensia, Chus, Avelino, Yosi e Paula, percorrerán todas as jaimas do Día da Ciencia na Rúa, para recoller o ambiente, entrevistar aos visitantes e coñecer as súas impresións sobre esta feira científica que cumpre este ano o seu 30 aniversario, ao igual que CUAC FM 🙂

E todo isto non sería posible sen o enorme equipo técnico e de producción de CUAC FM que se despregará o sábado para facer a súa 12 edición deste especial do día da ciencia na rúa: Mariano Mr. Bugalú, Chema Casanova, Roberto Ansede, Jorge Delgado, Roberto Garea, Illana Fernández, Miguel Anxo Facal, Bea Ulalume e Tomi Desastre. Este ano contaremos, ademáis, cun novo membro en prácticas: David Rey.

Acompáñanos! Sintoniza o 103.4 FM na Coruña, escóitannos a través de cuacfm.org ou vén vernos ao Palco da Música. A ciencia vívese mellor na radio comunitaria!

CUAC FM, a Radio Comunitaria da Coruña, estará un ano máis no monte de Santa Margarida o próximo sábado 10 de maio co programa Especial Día da Ciencia na Rúa. A de 2025 será a décima primeira temporada desde programa especial comunitario que celebra coa rapazada a investigación e o coñecemento científico.

Nesta edición do programa, entre outros, os nosos reporteiros e reporteiras falarán co alumnado do IES Ramón Menéndez Pidal que presentarán todos os proxectos que expoñen nesta feira científica. Tamén estará no programa Yolanda Golías da Unidade de Divulgación Científica da UDC. Eva Cabanelas Dopazo, profesora e divulgadora científica, pasará tamén polos micrófonos de CUAC.

O IES da Sardiñeira tampouco quixo perder a oportunidade de falar coa Radio Comunitaria da Coruña e presentarán o seu proxecto de supervivencia científica, unha proposta da que a nosa audiencia de seguro que quererá tomar boa nota. O alumnado do CEIP Sagrada Familia presentarán os seus experimentos relacionados co medio ambiente.

Nesta xornada lúdico-científica, teremos un equipo de reporteiros de campo visitando as haimas do Monte de Santa Margarida para falar con alumnado, profesorado e coruñeses e coruñesas que se acheguen a coñecer os traballos da rapazada galega.

Por outra parte, CUAC FM realizará durante este Especial Día da Ciencia na Rúa 2025 unha cobertura sen precedentes na emisora. Un equipo de máis de 20 persoas contará á audiencia todos os detalles do que ocorre no monte de Santa Margarida. Un equipamento técnico actualizado permitirá que os reporteiros e reporteiras de CUAC poidan conectar en directo desde calquera punto do parque, algo que vai permitir contar e falar desde as Haimas coa rapazada, os mestres e mestras e a veciñanza de Coruña que se achegue a coñecer as investigacións dos escolares galegos.

O programa especial poderá escoitarse desde a 11.00 do sábado 10 de maio na 103.4FM na cidade da Coruña e por streaming na web de CUAC FM e nas aplicacións gratuítas para Android e iOS.

EQUIPO CUAC FM:  

Conducción: Isabel Lema, Samuel Sánchez Cao, Camilo Rey  

Control técnico: Mariano Fernández Cabarcos, Chema Casanova    

Rexiduría: Bea Ulalume  

Redes Sociais: Tomi Desastre

Reporteiras: Miguel Anxo Facal, Estela Malhumoradas, Hortensia Simplemente Gente, Paula Alonso, Rita Senra, Marga Lago, Silvia Villarino, Sara Rodríguez, Iyana Fernández, Paula Rodríguez e Sara Ramos. 

Cuac Fm colabora co proxecto Radio Pardiñas, unha radio que emite as 24h do día durante a semana do Festival de Pardiñas, en Lugo. Radio Pardiñas é un proxecto de Radio Roncudo de Corme, Radio Kalimera de Santiago, Radio Filispin de Ferrol, Radio Liberdade de Ourense, Cuac FM da Coruña e Radio Neria de Corcubión.

Desde o 30 de xullo de 2023, a radio emitirá 24 horas de directo desde Guitiriz con conversas, entrevistas e a emisión dos concertos. Todo posible grazas á colaboración da AC Xermolos. 

O Festival de Pardiñas, nas ondas da Coruña

Cuac Fm emitirá na 103.4 da FM coruñesa, na nosa web e nas nosas apps unha programación especial durante a fin de semana (5 e 6 de agosto) coa emisión dos pregóns, dos concertos do festival, o aberto de billarda… Unhas emisións en rigoso directo desde Pardiñas coas que a audiencia coruñesa poderá gozar do mítico festival lugués.

ACAMPA CORUÑA 2023 STREAMING DIRECTO : ACAMPA 2023 en CUAC FM

Escoita o que acontece en DIRECTO en ACAMPA 2023, na carpa central nos Xardíns de Méndez Núñez, os días: 16, 17 e 18 de Xuño.

A través da web https://cuacfm.org/ACAMPA poderás escoitar en en directo todas as presentacións, charlas de debates que se desenvolverán na Carpa Central de ACAMPA.

Consulta toda a programación de ACAMPA 2019 en: https://coruna.redeacampa.org/gl/programa-2023/

CUAC FM emitirá desde as 19.30h deste domingo 28 de maio un programa especial sobre os resultados das eleccións municipais. O Especial Municipais 2023 poderase seguir na 103.4FM, na web cuacfm.org/directo e nas apps de CUAC para Android e iOS. Ademais, como novidade, o programa será tambén emitido por CUACTV en Youtube e na canle de Telegram.

Un especial no que a audiencia tamén poderá participar comentado os resltados co hashtag #MUNICIPAISCUAC, comentando no Telegram e no Youtube e tamén no Whatsapp do 644 73 73 03.

A radio comunitaria da Coruña ten preparado unha cobertura especial con puntos de directo na cidade e nos puntos máis interese así como un seguimento ao minuto de todos os datos. Ademáis, dos resultados da cidade da Coruña tamén se prestará atención a todo o que ocorre na nosa comarca e nas cidades e vilas máis importantes de Galicia.

A radio comunitaria da Coruña emitirá este xoves (25 de maio) desde as 16.00h o debate sobre políticas LGBTI organizado por ALAS Coruña.

No debate, que tivo lugar na Fundación Luís Seoane participaron a número 2 da candidatura do BNG, Avia Veira; o número 3 da de Marea Atlántica, Rodrigo Gil; o 4 de Por Coruña, Aitor Neira; o número 7 do PP, Carlos San Claudio e a número 7 do PSdeG, Noemí Díaz.

A emisión deste debate, a moi poucos días de que se celebren os comícios do 28 de maio, forma parte da cobertura especial das Eleccións Municipais 2023 de CUAC FM e poderase escoitar na 103.4FM, na web www.cuacfm.org/directo e nas apps da emisora para Android e iOS.

CUAC FM emite este xoves 11 de maio desde as 16.00 o especial Ciencia na Rúa 2023. Un programa especial de máis de 2 horas de duración que se emitiu en directo desde o Parque de Santa Margarida da Coruña o pasado 6 de maio.

O programa contou con escolas convidadas da Coruña e da provincia e que participaron nesta celebración das ciencias escolares. Ademáis, tamén se lle deu voz á xente e ao alumnado que acudiu esa mañá ao parque coruñés.

Participaron no programa: 

• Ricardo Cao (CITIC-UDC), presentando un proxecto sobre Ciencia de Datos para analizar a cardiotoxicidade en cancro de mama.
• Óscar Lamiño, Xefe de Estudos do CEIP Plurilingúe Ría do Burgo de Culleredo, e os seus alumnos, que amosan o proxecto “peixes en movemento”.  
• Alberto López, do CEIP Plurilingüe Vicente Otero Valcárcel, e os seus alumnos, que amosaron pequenas actividades  sobre realidade aumentada, froitas musicais, e un elevador de Pascal.
• Elva Pillado, da Axencia de doazón de Órganos e Sangue
• Bea Permuy, mestra do CEIP  A Magdalena, de As Pontes, e o seu alumnado, que ven presentar diversos experimentos e luz UV.
• Paz Freire e os participantes de ZalaTecno, o clube de ciencia e tecnoloxía de IES Menéndez Pidal Zalaeta
• Pedro del Pozo, profesor de Física e Química do IES A Sardiñeira, e o clube de ciencias do cole, que nos falaron da ciencia dos alimentos
• Patricia Hermida, que nos presentou o Proxecto MIO (Make It Open) do IES de Ortigueira en colaboración cos Museos Científicos Coruñeses
• Xacobo de Toro, Xefe do Departamento de Bioloxía e Xeoloxía do CPI O Cruce de Cerceda, que veñen de desenvolver un percorrido virtual e interactivo polo rego das Cavancas. 
• A Asociación de Amigos da Casa das Ciencias, un ano máis traballando a reo na organización deste gran evento 

E moitas máis voces de mozos e mozas investigadoras, visitantes entrevistados a pé de rúa co noso micro inalámbrico, e entrevistados inesperados que sorprendemos poñendo un micro diante do pico. 

Foron tres horas de radio en directo con moita diversión e ganas de aprender e compartir este día tan especial cos seus protagonistas, os nenos e nenas que se achegaron de coles de toda Galicia.  

Escoita este programa en directo na 103.4 da FM, na nosa web, nas apps para Android e iOS e, se non podes, non deixes de escoitar o podcast nesta ligazón.

EQUIPO CUAC FM 
Conducción: Samuel S. Cao & Camilo Rey  
Control técnico: Mariano Fernández Cabarcos & Roberto Ansede  
Rexiduría: Bea Ulalume & Tomi Desastre 
Reporteir@s: Cristina Areal, Miguel Anxo Facal, Chus Abeledo, Paula Alonso, Nuno, Marta Enworking, Yosi, Estela, Thánatos e María Abeledo
Redes Sociais: Tomi Desastre & Miguel Anxo Facal
Producción: Isabel Lema 

• ONDA CIENCIA é o proxecto de divulgación científica promovido pola Universidade da Coruña e CUAC FM que se emitirá na FM os martes ás 13:00 horas, e tamén en formato podcast
• É un coloquio radiofónico, , sobre temáticas de actualidade, con profesorado e investigadoras/es da UDC
• O primeiro programa aborda a “Lei do Solo Si é Si“, con Patricia Faraldo, Ana Neira e Teresa Piñeiro
• Os podcasts están dispoñibles no link https://cuacfm.org/radioco/programmes/onda-ciencia/

CUAC FM ven de de estrear o novo programa “ONDA CIENCIA“, que pretende ser un espazo de divulgación e análise de cuestións de actualidade dende una perspectiva científica e rigurosa.

O primeiro episodio de ONDA CIENCIA estivo adicado á  Lei Orgánica 10/2022, Lei Integral de Garantía da Liberdade Sexual, popularmente coñecida como a lei do «solo sí é sí», e que podes escoitar no seguinte posdcast:

Conversamos con tres expertas na materia, profesoras e investigadoras da Universidade da Coruña:  

– Dra. Patricia Faraldo Cabana, Catedrática de Dereito Penal da Facultade de Dereito da UDC. Conta cunha ampla experiencia investigadora e asesora do goberno para a regulación dos delitos sexuais no Código Penal. 

– Dra. Ana Neira Pena, profesora de Dereito Procesual e directora da Oficina para a Igualdade de Xénero da UDC. Entre as súas liñas de traballo actual están o tratamento das violencias machistas dende ás Universidades a través dos protocolos de acoso e as cuestión de proba nos procesos penais por delitos sexuais.

– Dra. María Teresa Piñeiro Otero. Profesora titular da área de Comunicación Audiovisual e Publicidade da Facultade de Ccs da Comunicación, Directora do Centro de Estudos de Xénero e Feministas da UDC e investigadora en temas relacionados coa violencia machista dixital.

O debate, abordou, dende unha perspectiva pedagóxica, os aspectos máis da recentemente aprobada “Lei do Sí é Sí”, contextualizando a reforma no marco legal internacional e explicando porqué era precisa unha reforma deste tipo.

Os temas sobre os que debateu no programa foron: 

• Os cambios da Lei en materia de consentimento afirmativo 
• Os bulos sobre a presunción de inocencia  
• O perfil de vítima de violencia machista habitual no Estado e como se abordan estos crimes nos medios de comunicación
• A supresión da diferencia entre abusos sexuais e agresión sexual
• O tratamento dos medios de comunicación das vítimas de violencia machista
• A reducción da pena dalguns delitos sexuais, a agravante por sumisión química, e a liberdade anticipada de condeados por violencia sexual  
• A implantación da educación sexual obrigatoria na UDC

ONDA CIENCIA é un proxecto de divulgación científica en formato radiofónico, realizado conxuntamente por CUAC FM e a Unidade de Divulgación Científica e Cultural da Vicerreitoría de Igualdade, Cultura e Deporte da Universidade da Coruña.

A equipa técnica do programa é a seguinte: 

• Preprodución:  Mª Cristina Naya Riveiro, coordinadora da Unidade de Divulgación Científica e Cultural da Vicerreitoría de Igualdade, Cultura e Deporte da Universidade da Coruña.
• Presentación/condución do programa: Isabel Lema Blanco, CUAC FM
• Control técnico: Mariano Fernández Cabarcos, CUAC FM
• Produción: Isabel Lema, Roberto Catoira, Chema Casanova, Miguel Anxo Facal, Chus Abeledo, CUAC FM 
• Postproducción: Miguel Anxo Facal, Mariano Fernández, CUAC FM
• Redes sociais: Miguel Anxo Facal, CUAC FM