Hoxe, xoves 29 de Xaneiro pechando as actividades de 2016, CUAC FM proxectará o documental “10 anos de Radio Filispim” as 20 horas no Local da Asociación Cultural Alexandre Bóveda na Coruña na Rúa Olmos 18 1º andar con entrada libre.

A proxección deste documental seguiralle unha charla coloquio cos compoñentes da nosa emisora irmá da Terra de Trasancos

Unha vez rematada a proxección, sobre as 21:45-22:00 organizarase o clásico brindis para despedir o ano no local “A Franxa”, situado na rúa da Franxa nº32.

Se non podes asistir, que teñas un gran 2017, escóitanos nas ondas.

O xoves 3 de novembro viviremos o penúltimo concerto deste ano do ciclo Música Contada que organizamos no Baba Bar con motivo do XX Aniversario da nosa emisora. Nesta ocasión serán dous autores os que actúen: Robert Pier, presentando su disco Radiante e outros temas da carreira e Pablo Rubén Fernández, que ademáis é compañeiro da emisora. Serán de novo no Baba Bar, dende ás 21:00 e con entrada de 5 euros (2 para socias e socios de CUAC).

O ciclo permite interactuación cos artistas xa que o público pode realizar preguntas aos artistas o que enriquece moito a experiencia que se está a vivir nos 6 concertos que xa levamos do ciclo.

Lembramos que xa están á venda as entradas para ver a El Kanka o domingo 11 de decembro no Garufa Club (levaremos algunhas ao concerto do Baba Bar do xoves 3) no que será o concerto de peche dos actos do XX aniversario de CUAC FM.

CUAC FM retoma este xoves 6 o Ciclo Música Contada, un dos ciclos de actuacións cos que celebra o seu XX Aniversario.

A cita novamente no Baba Bar será cun dos mellores cantautores coruñeses, César de Centi. A noite promete ser emocionante xa que recuperará para a ocasión cancións que fai moito tempo que non tocaba e que seguro que moitos dos seus seguidores agradecen. Durante o concerto, como xa é habitual no ciclo, os espectadores poden facer preguntas e comentarios interactuando co artista. O custe será de 4 euros (2 para socias e socios de CUAC). A apertura de portas ás 21.30.

E xa temos pechadas as duas últimas actuacións coas que pecharemos o ciclo. En novembro, o día 3 será un concerto doble con Pablo Rubén Fernández e Robert Pier, tamén no Baba Bar.

Para pechar o ciclo e tamén os actos do XX aniversario de CUAC teremos un concerto moi moi especial. Un artista que está agora mesmo triunfando e xirando por latinoamérica (Chile, Colombia e México) e que xa encheu a sala Mardi Gras na sua última visita a Coruña, na que presentaba o seu LP “De pana y rubí”. Será o 11 de decembro no Garufa Club. Única data en Galicia e na que se enfrentará a audiencia coa soa axuda da sua guitarra (e voz, claro).

Poderán facerse preguntas pero o sistema será diferente xa que cun aforo tan grande quedarán limitadas a un número razoable para non paralizar o ritmo do concerto.

As entradas están á venda dende xa neste enlace Entradium entradas El Kanka Coruña, ademáis de en Librería Cascanueces e Cafetería Olimpia (ao lado de Garufa Club) por 10 euros. Para a xente de CUAC haberá tamén un prezo especial (informaremos por correo interno).

The Royal Flash foi a banda gañadora do XVIII Concurso de Bandas e solistas de CUAC FM segundo a decisión do xurado nada máis finalizar a Batalla de bandas celebrada na Sala Mardi Gras con bo ambiente  na sala. O segundo lugar foi para Sons of Meteora chegados dende Barcelona.

O concerto demostrou a alta calidade das duas bandas seleccionadas de entre as 155 que participaron este ano na convocatoria e que contou co patrocinio do Concello da Coruña. Entre os premios anunciados onte estaba tamén o da Mellor Banda Local. Por votación interna das persoas de CUAC foron 5 as bandas que obtiveron máis votos: Lady Leño, Sleepwalker, Mathew Ward, Diario de Verano e Morgen. Por escasísima marxe o premio de 400 euros e unha actuación nun evento de CUAC FM foi para Sleepwalker.

Non queda máis que felicitar ás duas bandas que fixeron longas viaxes para estar na nosa final, agradecer ao público asistente que lle dese unha oportunidade a duas bandas que non coñecía de nada, a todas as bandas que participaron no concurso, á sala Mardi Gras por acollernos un ano máis, e ao Concello que aportase o financiamento para os premios tanto desta fase como da anterior na que catro bandas galegas participaron nos concertos do Festival Noroeste.

Grazas tamén ao xurado que  estaba composto por Pepe Cunha do programa radiofónico e web abretedeorellas.com, por Iago Blanco de Drum & Roll Studios (e músico) e por Paris Joel, xornalista de radio e tamén músico, ademáis de varios compañeiros de CUAC FM.

Hoxe, a partires das 11 da noite na Sala Mardi Gras viviremos a XVIII Final do Concurso de Bandas e solistas de CUAC FM. Será a Batalla de Bandas nas que as participantes xóganse ser primeiras ou segundas (800 ou 600 euros) nun concurso no que participaron 155 bandas de toda España.

Sons of Meteora (Barcelona) e The Royal Flash (Alcalá de Henares, Madrid) serán as que se disputen esa honra e nada máis finalizar votará o xurado quen realizou un mellor directo. Ademáis, no cambio entre a primeira e a segunda actuación daremos a coñecer que banda coruñesa leva o Premio á Mellor Banda Local (dotado con 400 euros e unha actuación nunha actividade da emisora.

A entrada ao concerto custa 3 euros (1 para socias e socios de CUAC FM).

Fotos de Sons of Meteora (primeira) e The Royal Flash en directo (segunda)

O vindeiro sábado 1 de outubro temos unha cita musical: A Batalla Final de Bandas de CUAC FM. A noite na que se decide o Primeiro e Segundo premios tras ver en directo ás duas bandas seleccionadas polo xurado: SONS OF METEORA dende Barcelona e THE ROYAL FLASH, dende Alcalá de Henares.

No evento de facebook da final iremos actualizando vídeos e enlaces as suas cancións para que podas coñecer a sua música. A entrada custa 3 euros para o público en xeral e 1 euro para socias e socios de CUAC FM. O concerto comenzará ás 23:00 e a orde de actuación farase por sorteo o mesmo día do concerto.

Foron 155 as bandas que enviaron as suas propostas e tras disfrutar no Festival Noroeste de catro bandas galegas seleccionadas no noso concurso, chegan agora as bandas que obtiveron a puntuación máis alta a nivel nacional. Pero deberán demostrar co seu directo se merecen o primeiro premio.

Podes ir escoitando os seus bandcamps: The Royal Flash e Sons of Meteora

Sons Of Meteora

The Royal Flash

Manu Clavijo será o encargado de poñer en marcha a segunda parte do ciclo Música Contada que regresa o xoves 8 de setembro ao Baba Bar.

A música de Manu, músico arxentino que viviu varios anos na nosa cidade e realizaou programa en CUAC FM (Naturaleza Sangre) xoga cos sentimentos, con situacións cotiás e con moita ironía.

Ven a presentar o seu último LP lanzado a través de Crowdfunding e titulado: A rastras, mal y tarde.

A entrada custa 5 euros (2 para socias e socios de CUAC FM) e a apertura de portas é ás 21:30 (comezará un pouco máis tarde).

En setembro volve o noso Ciclo de “Música Contada” que CUAC FM  ven organizando este 2016 con motivo do noso XX aniversario.

O cantante arxentino -e coruñés de adopción- Manu Clavijo actuará o xoves 8 de setembro na sala coruñesa Baba Bar.

As entradas teñen un custe de 5€  e de só 2€ se eres socias/os de CUAC.

Manu Clavijo presentaramos o seu último disco, “A rastras, mal y tarde” e falaranos tamén do significado de moitas cancións que escribiu ao longo da súa vida e que nos interpretará o 8 de setembro.

Manu Clavijo é un prolífico cantante, compositor, guitarrista y violinista (¡por orden alfabético!) e viviu anos na nosa cidade.

Clavijo Foi locutor de CUAC FM, facendo un programa musical hai xa bastantes anos, e actualmente reside e traballa  en Madrid, onde produciu o seu último disco e colabora con grandes artistas tocando magníficamente o violín

CUAC FM INAUGURA MAÑÁ VERNES 15, A SÚA I ESCOLA DE VERÁN COAS XORNADAS SOBRE COMUNICACIÓN, CULTURA, DESENVOLVEMENTO COMUNITARIO E INCLUSIÓN SOCIAL

• A Escola reunirá na Aula Náutica da Universidade da Coruña (Dique de Abrigo) os días 15, 16 e 17 a preto de 50 comunicadores, activistas sociais e investigadores chegados de España, Francia e Portugal
• A Escola continuará o sábado e o domingo co obradoiro “Construíndo redes para unha comunicación alternativa”.
• As tecnoloxías libres tamén teñen un oco coa celebración dun Hackaton que reunirá a redes de software libre e medios libres de Galicia.
• Os obradoiros de xornalismo e radioficción ensinarán aos participantes como producir un programa de radio nunha emisora comunitaria

CUAC FM, a radio comunitaria da Coruña, dentro das actividades do XX aniversario, inaugurará o venres 15 de xullo, na Aula Náutica da Universidade da Coruña (Dique de Abrigo), as xornadas “Comunicación para a dinamización cultural, a inclusión social e o desenvolvemento comunitario”, nas que participarán Hakan Casares (Consello da Cultura Galega), Carlos Callón (Mesa pola Normalización Lingüística), Agus Hernán (Sindicato Nacional de Radios Libres Francés), Tono Eidán (Proxecto Cárcere),  Roberto Catoira (Asociación Cultural Alexandre Bóveda) e Beatriz González de Canales (Isto é Galego, CUAC FM).

A Xornada do vernes rematará cun Radio Show conducido por Tomi Desastre no que lembraremos os mellores momentos radiofónicos de 20 anos de emisión.

Na xornada do sábado analizaremos o rol dos medios de comunicación como ferramentas de dinamización comunitaria e inclusión social. Representantes de medios comunitarios do Estado, como Alejandro Blanco (Onda Color Málaga), Jokin Garmilla (Radio Valdivieso), Javier García (Unión de Radios Comunitarias de Madrid) compartirán experiencias con Juan de Sola (Coordinadora Galega de ONDGs), Isabel Lema e María Castelo (CUAC FM), Roberto Catoira (A Fume de Carozo), Paula Tome (Radio Prometea), Clara de Vega (Padre Rubinos) e Carlos Reguera e Hortensia Rossi (Foro Galego da Inmigración).

Na tarde do 16 de xullo desenvolveremos diversos espazos de formación e traballo en rede. De maneira simultánea, desenvolverase un obradoiro de xornalismo e radioficción e un encontro de “radios libres e software libre” no que os participantes artelláran recursos tecnolóxicos para as radios libres.

A Escola de Verán de CUAC rematará o domingo de mañá cun encontro entre redes de radios galegas (CUAC FM, A Kalimera), redes de medios do Estado (ReMC, Arrosa, EMA-RTV), Portugal e Europa (AMARC, SNRL). Os participantes debaterán os retos aos que se enfronta o terceiro sector da comunicación e artellarán estratexias para una defensa dos dereitos dos medios comunitarios.

Preto de cincuenta persoas formalizaron a inscrición nas actividades da Escola, quedando aínda prazas libres. Os interesados poden inscribirse na web cuacfm.org.

A Escola de verán de CUAC FM é unha actividade educativa aberta a calquera persoa interesada e que conta coa colaboración da Universidade da Coruña, Deputación da Coruña e Obra Social La Caixa.

A Escola de Verán de CUAC FM forma parte das actividades do XX aniversario de CUAC FM. O pasado luns anunciabamos o fallo do XVIII Concurso de bandas de CUAC, premiando ás tres bandas que actuarán no Festival Noroeste Estrella Galicia.