Fernando Souto, membro da coordinadora de Tecnoloxía de CUAC FM, impartirá este martes 29 de outubro ás 18:00 horas, unha conferencia na aula 3.5 da Facultade de Informática da Universidade da Coruña sobre o proceso de transformación dixital da emisora comunitaria da Coruña.

A actividade está organizada por GPUL (Grupo de Programadores e Usuarios de Linux), no marco dun proxecto de aprendizaxe-servizo impulsado por CUAC e GPUL para a mellora dos sistema de automatización de podcasts.

ASISTENCIA GRATUITA. INSCRIPCIÓN EN:

https://www.meetup.com/gpul-labs/events/304003602/?eventOrigin=group_upcoming_events

ANTECEDENTES

Dende a inauguración de CUAC FM no ano 1996, @CuacFM ten evolucionado moito tecnolóxicamente falando. Así, duns estudos completamente analóxicos, onde somentes se emitía a programación de CUAC a través da FM, actualmente a emisora ten dixitalizado todo o proceso de emisión e reemisión de podcasts.

Algúns hitos destacados deste proceso:

• CUAC FM foi a primeira emisora ​​de radio con aplicacións para Android e iOS de Galicia.
• CUAC FM dixitalizou e automatizou a xeración de podcasts a través do proxecto RADIOCO by @iagoveloso.
• CUAC FM ten estudos virtuais a través de IoT, sendo a única emisora en Galicia que continuou coa súa programación dende o 1º día de pandemia (2020) sen que os seus membros tivesen que acudir á emisora para facer radio.

Todo isto e moito máis grazas ao OPEN SOURCE e á colaboración de estudantes e membros da FIC e da UDC, durante máis de 25 anos.

A Intelixencia Artificial ten múltiples utilidades nunha ampla diversidade de campos, mais tamén o uso masivo de certas ferramentas plantexa novos riscos e retos, como, por exemplo, a infrarrepresentación de linguas como o galego na intelixencia artificial xenerativa.

Para coñecer en profundidade como funcionan estas IAs e o impacto que teñen na educación, falamos con tres expertos da facultade de Informática da UDC:

• Miguel Ángel Alonso Pardo. Profesor Titular no dpto. de Ciencias da Computación e Tecnoloxías da Información e membro do Grupo de investigación Lingua e Sociedade da Información. 
• Sara Guerreiro Santalla. Profesora do departamento de Ciencias da Computación e Tecnoloxías da Información e membro do Grupo Integrado de Enxeñería. 
• Javier Parapar López. Profesor Titular no dpto. de Ciencias da Computación e Tecnoloxías da Información e membro do grupo de investigación Information Retrieval Lab. 

O programa afonda no funcionamento dos modelos de IA xenerativa (ex. Chat GPT), o desenvolvemento dunha IA en galego chamada “Ola Cabuxa” (CITIC-UDC), así como a abordaxe da IA tanto nos estudos preuniversitarios como nos estudos superiores, e as liñas de investigación que se están a desenvolver dende a UDC sobre intelixencia artificial.

ESCOITA O PODCAST

DIVULGACIÓN CIENTÍFICA 

ONDA CIENCIA aborda diferentes temáticas de actualidade desde unha perspectiva crítica e baseada na evidencia científica. O formato do programa é un coloquio en que participan membros do profesorado ou persoal investigador da UDC, expertos nunha temática concreta sobre o que versa cada programa. 

EQUIPO

O equipo técnico do programa é o seguinte:

• Isabel Lema Blanco, na produción e presentación do programa.
• Chema Casanova, no control técnico.
• Miguel Anxo Facal, na posprodución, edición e difusión do programa.
• Yolanda Golías Pérez e M.ª Cristina Naya Riveiro, na preprodución.

ESCOITA ONDA CIENCIA 

Podes escoitar ONDA CIENCIA na sintonía de CUAC FM, no 103.4 da FM coruñesa, e dende calquera parte do mundo descargando os podcasts a través da web https://cuacfm.org e das aplicacións móbiles para Android e Apple.  

ONDA CIENCIA afonda no coñecemento das das potencialiades dos modelos de construción e urbanismo respectuosos co ambiente e coa saúde das personas. Convidamos a tres expertos da UDC, cunha longa traxectoria de investigación e aplicación práctica nestas temáticas:  

• María Belén González Fonteboa. Catedrática de universidade, no departamento de Enxeñaría Civil da Escola Técnica Superior de Enxeñeiros de Camiños, Canais e Portos. É membro Grupo de investigación de Construción e forma parte do CITEEC – Centro de Innovación Tecnolóxica en Edificación e Enxeñaría Civil
• Francisco Javier López Rivadulla. Profesor contratado doutor no Dpto. de Construcións e Estruturas Arquitectónicas, Civís e Aeronáuticas da UDC. Investiga sobre construcción de envolventes, eficiencia, sustentabilidade e benestar na arquitectura. 
• Cristina García Fontán. Profesora contratada doutora no Departamento de Proxectos Arquitectónicos, Urbanismo e Composición. Coordinadora do Grupo de Investigación Persoa-Ambiente  investiga sobre procesos de rexeneración urbana e hábitat sostible.  

O contido do programa comeza pola comprensión dos aspectos que permiten identificar unha construción sustentable, os certificados de sustentabilidade dispoñibles para as novas edificacións, e as claves para convertir os edificios xa existentes en espazos enerxéticamente máis eficientes e máis saudables. Os expertos debateron tamén sobre as potencialidades das “Solucións Baseadas na Natureza”, así como os retos da propia UDC de cara a mellorar a calidade das súas edificacións.

ESCOITA O PODCAST

DIVULGACIÓN CIENTÍFICA 

ONDA CIENCIA aborda diferentes temáticas de actualidade desde unha perspectiva crítica e baseada na evidencia científica. O formato do programa é un coloquio en que participan membros do profesorado ou persoal investigador da UDC, expertos nunha temática concreta sobre o que versa cada programa. 

ESCOITA ONDA CIENCIA 

Podes escoitar ONDA CIENCIA na sintonía de CUAC FM, no 103.4 da FM coruñesa, e dende calquera parte do mundo descargando os podcasts a través da web https://cuacfm.org e das aplicacións móbiles para Android e Apple.  

EQUIPO

O equipo técnico do programa é o seguinte:

• Isabel Lema Blanco, na produción e presentación do programa.
• Mariano Fernández “Mr. Bugalú”, no control técnico.
• Miguel Anxo Facal, na posprodución, edición e difusión do programa.
• Yolanda Golías Pérez e M.ª Cristina Naya Riveiro, na preprodución.

Nectar dende Madrid (con coruñeses na formación) e Twin Forest dende Valencia serán as bandas que se disputen o primeiro posto, cun premio de 1.000 euros e o segundo, con 900€.

Anota xa na túa axenda. Están nesa batalla entre 150 proxectos presentados!

Quedan para máis adiante o Premio Eva Coyote á Mellor Banda Local e o Premio á Mellor canción en galego. Daranse a coñecer o día do concerto en Mardi Gras.

As duas actuarán no Festival Noroeste Estrella Galicia na Coruña. Mañá daremos a coñecer as duas bandas clasificadas para a Batalla de Bandas. Xa confirmaron as duas que virán o 12 de outubro ata A Coruña.

Parabéns as gañadoras!! Seguiremos informando.

No terceiro episodio de Onda Ciencia abordamos o “discurso de odio”, un concepto sobre o que existe xa lexislación específica, pero cuxa regulación atinxe tamén a dereitos como a liberdade de opinión e expresión, a non-discriminación e a igualdade.

Para pór un pouco de luz sobre o crecente fenómeno do discurso de odio nos medios de comunicación falamos con tres expertas, profesoras da Universidade da Coruña:

• Ana Aba Catoira, profesora titular no Dpto. de Dereito Público na Facultade de Dereito da UDC. Membro do Grupo de investigación: Democracia e Dereitos na Contorna Dixital. 
• Ana María González Neira, profesora titular do Dpto. de Socioloxía e Ciencias da Comunicación da UDC, e membro do Grupo de investigación Cidadanía Dixital. 
• Montserrat Golías Pérez, profesora contratada doutora do Dpto. de Socioloxía e Ciencias da Comunicación da UDC e membro de ESOMI,  Equipo de Investigación Sociedades en Movemento. 

As nosas expertas axudarannos a clarificar a diferenza entre “discurso de odio” e “delito de odio”, e cales son as manifestacións máis frecuentes deste discurso nos medios e nas redes sociais; afondarán nas claves que explican que os discursos discriminatorios callen na poboación e debaterán acerca dos posibles riscos derivados da proliferación deste discurso, dende una perspectiva xurídica, sociolóxica e comunicativa, e cales son as posibles ferramentas e solucións para lle pór freo a esta problemática. 

ESCOITA O PODCAST

DIVULGACIÓN CIENTÍFICA 

ONDA CIENCIA aborda diferentes temáticas de actualidade desde unha perspectiva crítica e baseada na evidencia científica. O formato do programa é un coloquio en que participan membros do profesorado ou persoal investigador da UDC, expertos nunha temática concreta sobre o que versa cada programa. 

ESCOITA ONDA CIENCIA 

Podes escoitar ONDA CIENCIA na sintonía de CUAC FM, no 103.4 da FM coruñesa, e dende calquera parte do mundo descargando os podcasts a través da web https://cuacfm.org e das aplicacións móbiles para Android e Apple.  

EQUIPO

O equipo técnico do programa é o seguinte:

• M.ª Cristina Naya Riveiro e Yolanda Golías Pérez, na preprodución.
• Isabel Lema Blanco, na produción e presentación do programa.
• Mariano Fernández “Mr. Bugalú”, no control técnico.
• Miguel Anxo Facal, na posprodución, edición e difusión do programa.

Hoxe 1 de xullo os proxectos seleccionados, tanto a nivel galego, que actuarán no Festival Noroeste Estrella Galicia, como para a Batalla de bandas que se celebrará o 12 de outubro na Sala Mardi Gras, recibiron a comunicación do seu premio. Faranse públicos os seus nomes en canto confirmen, tal como establecen as bases, que poden actuar nas datas previstas para ambos eventos.

O premio Eva Coyoye á Mellor Banda Local ainda non foi comunicado xa que á banda á que lle corresponde ese premio está como suplente para as duas categorías comentadas previamente.

O premio á Mellor canción en galego darase a coñecer o Día da Batalla de bandas.

Grazas ás 150 bandas e solistas que se presentaron este ano e á Deputación da Coruña que subvenciona o proxecto.

Tamén á colaboración do Concello da Coruña por acoller ás duas bandas galegas no Festival Noroeste Estrella Galicia.

Agardamos poder dar mañá mesmo a coñecer os nomes dos proxectos gañadores e finalistas.

A saúde mental é un estado de benestar que permite ás persoas desenvolveren todas as súas habilidades, aprender e traballar adecuadamente e contribuír á mellora da súa comunidade. A saúde mental é, ademais, un dereito humano fundamental.

En ONDA CIENCIA dedicamos o segundo episodio desta tempada á saúde mental, para afondar nos factores que poñen en risco o noso benestar emocional. Para iso contamos con tres expertos e expertas da Universidade da Coruña:      

• M.ª de las Mercedes Seoane Bouzas, é terapeuta ocupacional do SERGAS, especializada en trastornos da saúde mental. Profesora asociada no Dpto. de Ciencias da Saúde da UDC e doutora por esta mesma universidade coa tese “Terapia acuática e desempeño ocupacional en saúde mental”. 
• Valentín Escudero Carranza, profesor Titular do departamento de psicoloxía. Coordinador da Unidade de Investigación en Intervención e Coidado Familiar da UDC. Entre as súas liñas de investigación figura o tratamento de adolescentes en conflito e súas familias. 
• Nuria García Gonzalo, terapeuta ocupacional do Hospital de Día de Psiquiatría de Ferrol e profesora asociada no Dpto. de Ciencias da Saúde da UDC. Membro do grupo de investigación Tecnoloxía Aplicada á Investigación en Ocupación, Igualdade e Saúde (Talionis-Citic).

Con eles conversamos acerca de “AFRONTEMOS”, o programa de atención especializada que puxo en marcha a UDC hai tres anos e que proporciona ferramentas psicolóxicas e terapéuticas para afrontar un problema de saúde mental e que coordina o profesor Valentín Escudero.

Pola súa parte, Mercedes Seoane e Nuria García compartiron tamén diversas experiencias sobre liñas de acción innovadoras e pioneiras que se están desenvolver desde o eido da terapia ocupacional nas áreas de Coruña e Ferrol.

En terceiro lugar, ao longo da conversa os nosos expertos analizan as principais problemáticas vencelladas á saúde mental do estudantado e da mocidade en xeral, afondando no papel clave que xogan os medios de comunicación e as redes sociais na autoestima e no benestar emocional das persoas.  

ESCOITA O PODCAST 

DIVULGACIÓN CIENTÍFICA 

ONDA CIENCIA aborda diferentes temáticas de actualidade desde unha perspectiva crítica e baseada na evidencia científica. O formato do programa é un coloquio en que participan membros do profesorado ou persoal investigador da UDC, expertos nunha temática concreta sobre o que versa cada programa. 

ESCOITA ONDA CIENCIA

ONDA CIENCIA pode escoitarse os martes ás 13:00 horas a través do 103.4 da FM, no directo (streaming) de CUAC cuacfm.org/directo, a través das nosas aplicacións móbiles para Android e Apple, e tamén na páxina web de Cuac fm https://cuacfm.org/programacion/

EQUIPO

O equipo técnico do programa é o seguinte:

• M.ª Cristina Naya Riveiro e Yolanda Golías Pérez, na preprodución.
• Isabel Lema Blanco, na produción e presentación do programa.
• Chema Casanova, no control técnico.
• Miguel Anxo Facal, na posprodución, edición e difusión do programa.

Comeza agora o traballo dos xurados para seleccionar ao gañadores das diversas categorías. A decisión farase pública o día 1 de xullo.

Fai uns días remataba o prazo de recepción de proxectos no XXVI Concurso que organiza CUAC FM. Unha vez feitas as comprobacións de que todo estaba correcto no matería de cada concursante, comeza agora o momento no que os xurados escoitan as duas cancións de cada banda ou solista. Serán 150 os participantes, unha das máis elevadas da historia do concurso.

O día 1 de xullo daranse a coñecer os gañadores que actuarán no Festival Noroeste Estrella Galicia, a Mellor Banda Local e os que actuarán na Batalla de Bandas no mes de outubro na Sala Mardi Gras.

Grazas a todos os proxectos participantes. E sorte!

Comeza a segunda tempada de ONDA CIENCIA, o proxecto de divulgación científica en formato radiofónico e podcast, realizado conxuntamente por CUAC FM e a Unidade de Divulgación Científica e Cultural da Vicerreitoría de Divulgación, Cultura e Deporte da Universidade da Coruña. ONDA CIENCIA conta tamén coa colaboración da Fundación Española para a Ciencia e a Tecnoloxía (Ministerio de Ciencia, Innovación e Universidades).

O primeiro episodio desta nova tempada de ONDA CIENCIA leva por título “As Matemáticas están en todos lados”, no que afondamos nas diferentes aplicacións prácticas das matemáticas, contamos con tres docentes da UDC especialistas nesta área:

• Raquel Taboada Vázquez, profesora do Departamento de Matemáticas da Escola Técnica Superior de Enxeñaría de Camiños, Canais e Portos. Investigadora está vinculada ao Centro de Investigación e Tecnoloxía Matemática de Galicia (CITMAGA).

• Benito Pérez López, profesor do Departamento de Economía  da Facultade de Economía e Empresa. É membro do grupo de investigación en Transportes da UDC e está especializado en inferencia estatística e modelos econométricos aplicados á planificación do transporte e a mobilidade sostible”.

• Enrique De La Torre Fernández, profesor do Departamento de Pedagoxía e Didáctica da Facultade de Ciencias da Educación. É membro do Grupo de Investigación en Innovación en Ensinanza das Ciencias e das Matemáticas. Director do Centro Universitario de Formación e Innovación Educativa (CUFIE) no periodo 2009-2020.

ESCOITA O PODCAST DE ONDA CIENCIA:

CONTIDO

Con estas tres persoas expertas conversamos acerca da aplicación das matemáticas no eido da estatística, da análise Big Data e na importancia de ter unha boa base en matemáticas para avanzar nas carreiras universitarias. Abordamos tamén as competencias matemáticas das xeracións que están a entrar na universidade e as posibles causas e factores que interveñen na percepción de que a mocidade non ten una base científica e matemática suficiente para afrontar os estudos universitarios con éxito. Finalmente, debaterase acerca das diferentes metodoloxías docentes (flexibles/activas) empregadas polo profesorado para traballar estas competencias nos procesos de ensino-aprendizaxe.

DIVULGACIÓN CIENTÍFICA

ONDA CIENCIA aborda diferentes temáticas de actualidade dende unha perspectiva crítica e baseada na evidencia científica. O formato do programa é un coloquio en que participan membros do profesorado ou persoal investigador da UDC, expertos nunha temática concreta sobre o que versa cada programa.

ESCOITA ONDA CIENCIA

ONDA CIENCIA pode escoitarse os martes ás 13:00 horas a través do 103.4 da FM, no directo (streaming) de CUAC cuacfm.org/directo, a través das nosas aplicacións móbiles para Android e Apple, e tamén na páxina web de cuac fm https://cuacfm.org/programacion/

EQUIPO

O equipo técnico do programa é o seguinte:

• M.ª Cristina Naya Riveiro, na preprodución.
• Isabel Lema Blanco, na presentación e condución do programa.
• Mariano Fernández Cabarcos, no control técnico.
• Miguel Anxo Facal, na edición e difusión do programa.