2x14 Ursula K Leguin
Unha nova singladura do noso submarino levounos de viaxe pola gloriosa obra da non menos gloriosa Ursula K Leguin, tristemente falecida hai 10 días. Escritora de fantasía e ciencia ficción, feminista, de esquerdas que tratou na súa obra temas como o feminismo, a sexualidade, a etnoloxía, a psicoloxía, a ecoloxía, o taoísmo, o anarquismo e, por suposto, o comunismo. Dicían dela que era a mellor escritora viva, algo que xa non poderá cumprir. Que a terra lle sexa leve.
Tamén tivemos a sorte de contar con outra escritora de fantasía e ciencia ficción, a gloriosa lucense Conchi Regueiro, prolífica autora que conversou con nosotros sobre a súa obra, sobre feminismo e tamén sobre Ursula. E logo escoitamos a música de Carlos Núñez na sala de zanfoña, que tiñamos nun lugar remoto do noso submarino. Para compensar, limos un fragmento do libro "A Man Esquerda da Escuridade", por suposto de Ursula K Leguin, e logo xa nos mergullamos na Inmersión.
Tivemos a música de
Killing Joke, "I'm the Virus"
Kaiser Chiefs, "I Predict a Riot"
Pink Floyd, "Shine on You Crazy Diamond"
Podcast
Lista de programas
Fecha: 2 de Febrero de 2018 a las 22:00
Programa: Loco Iván
categoría: Sociedad y cultura
