La Resistance
La Résistance é unha obra de teatro radiofónica resultado dun traballo de colaboración entre CUAC FM e Walkitalkies radioteatro . Esta obra de teatro, concebida baixo o formato de “radio-novela”, foi escrita polos autores galegos Carlos Losada e Begoña García.
La Résistance foi dirixida, producida e interpretada polos membros do obradoiro de ficción de CUAC FM.
A estrea mundial de La Résistance foi o día das letras galegas, o 17 de maio de 2015, un pequeno recoñecemento de CUAC FM a todos os autores e creadores na nosa lingua, especialmente aos que, a pesares das dificultades, seguen coa ilusión de crear pequenas xoias coma esta a partires da imaxinación e o amor polo teatro.
Podes escoitar La Résistance en: https://cuacfm.org/la-resistance/