1x1 Especial Acampa
CUAC FM emitiuo o 17 de Xuño de 2017, en directo, dentro da cobertura especial desta emisora sobre o proxecto ACAMPA, un PROGRAMA ESPECIAL que se desenvolveu dende o Palco da Música dos Xardíns de Méndez Núñez.
Ao longo deste programa especial, pasarán polos micros de CUAC FM unha representación das entidades organizadoras da actividade, así como ONGs e organizacións que colaboran co evento.
Entre elas, falaremos con Rubén Sánchez, do Foro Galego pola Inmigración.
Pasarán polos nosos micros representantes de ONGs como Intermón Oxfam, Domus Africa, Sik of waiting, Aire e Solidariedade Galega.
Contaremos tamén coas voces de galegos e galegas que dende Coruña, Ferrol ou toda Galicia traballan por una mundo mellor, como a Asociación ferrolana Fuco Buxán, o movemento Vangarda Obreira e a Marcha Mundial das mulleres.
Os educadores son tamén parte da solución ao problema. Por elo, convidamos ao Seminario galego pola paz e á revista Luzes para debater como dende os espazos de aprendizaxe podemos tornar conciencias e activar á cidadanía.
Finalmente, as crises humanitarias deben ter respostas políticas. Por elo, quixemos contar no programa de hoxe con representantes de 3 partidos políticos que están colaborando con ACAMPA: EQUO, PSOE, e EU.
Lembra que CUAC FM está a emitir por STREAMING todo o que acontece en ACAMPA. Sígueo en https://cuacfm.org/acampa/
Un programa conducido por Isa Lema e Rubén Sánchez, e producido por Roberto Catoira, Carlos Reguera, Tomi Desastre, Mónica Alonso, Luís Santillana, Roberto Ansede e os nosos técnicos de son Mariano Fernández e Chema Casanova.
Podcast
Lista de programas
Fecha: 17 de Junio de 2017 a las 12:00
Programa: ACAMPA
categoría: Gobierno y organizaciones
