Ar de Coruña é o informativo local que realizan, con periodicidade mensual, os socios e socias de CUAC FM. Ar de Coruña emítese en directo os últimos sábados de mes entre as 12:00 e as 14:00 horas.

Este programa comunitario ten coma obxectivo manter ao día á cidadanía da súa realidade máis próximavisualizando as problemáticas da cidade e dos seus barrios, dando voz a aqueles colectivos e asociacións con menor presenza mediática.

Conta coa colaboración de representantes das asociacións de veciños e colectivos sociais e culturais de toda a cidade. Entre a equipa do programa participan expertos en música e teatro, literatura, feminismo, igualdade e non discriminación, saúde sexual, que dan o mellor de seu para mantervos informados e entretidos da actualidade da Coruña e as súas xentes.