CUAC FM realizará esta tarde de venres de 18:30 a 20:30h, no Centro Ágora do Ventorrillo, un programa de radio en directo e aberto á toda a cidadanía.

O Centro Ágora acollerá esta terceira e última experiencia de Radio Barrio, un programa realizado por artistas, escritores, actores sociais, comunicadores e membros das asociacións culturais dos barrios de O Ventorrillo, Agra do Orzán, Lavañou, Mariñeiros e A Sagrada Familia.

Radio Barrio está dinamizado polas locutoras e locutores de CUAC FM e contará coa participación do público asistente para o deselvolvemento deste experimento sonoro.

Unha convocatoria para xente de todas as idades!

Convidamos a todas as persoas que queiran asistir a disfrutar dunha mañá experimentando con este medio de comunicación tan popular e coas persoas que desenvolven a sua creatividade no barrio e máis alá.

A entrada é totalmente gratuíta. Dirección: Lugar da Gramela, 17, 15010 A Coruña, La Coruña

https://www.google.es/maps/place/Biblioteca+Municipal+%C3%81gora/@43.363217,-8.426391,15z/data=!4m5!3m4!1s0x0:0x931059d4d710ac1f!8m2!3d43.363217!4d-8.426391

CUAC FM realizará hoxe venres de 18:30 a 20:30h, no Centro Cívico de San Diego, un programa de radio en directo e aberto a toda a cidadanía.

O salón de actos do Centro Cívico de San Diego acollerá esta segunda experiencia de Radio Barrio, un programa realizado por artistas e membros das asociacións culturais dos barrios de Os Castros, Castrillon, etc e dinamizado polas locutoras e locutores de CUAC FM.

Unha convocatoria para xente de todas as idades!

Contaremos coa participación e a creatividade de Serafín Mourelle, Manuel Monge, Mario Novoa, Silvia Carregal, Alberto Díaz e Emilio Vega entre outros, máis toda a incrible xente dos barrios colindantes a San Diego

Convidamos a todas as persoas que queiran asistir a disfrutar dunha mañá experimentando con este medio de comunicación tan popular e coas persoas que desenvolven a sua creatividade no barrio e máis alá.

A entrada é totalmente gratuíta. Dirección: Rúa Alberto García Ferreiro, S/N

Obradoiro de radio e cultura o vernes 20 ás 18:00 no Centro Cívico de San Diego dinamizado por CUAC FM

CUAC FM busca a xente creativa, amante das artes escénicas, das letras, da música e do teatro,  de calquera expresión artística ou cultural para participar nun “experimento sonoro” de barrio. 

Se te moves polos Castros, A Gaiteira, Castrillón, Elvina. Catro Camiños, Oza… Achégate este venres ás 18:00 horas ao Centro Cívico de San Diego e participa no Taller. 

INSCRIPCIÓN GRATUÍTA: escríbenos a comunicacion@cuacfm.org (Asunto Radio Barrio).

Isto sucedeu no Radio Barrio  #1 Radio Barrio en Monte Alto

RADIOBARRIO é un proxecto de CUAC FM que nace co obxecto de dar difusión aos colectivos artísticos da cidade e crear sinerxias entre eles a través dunha ferramenta de comunicación tan poderosa como é a radio. Neste proxecto CUAC traslada a súa experiencia radiofónica á rua, para dar a coñecer o traballo das e dos artistas que residen na cidade, e fomentar a cultura de proximidade ao poñer en contacto ás creadoras e aos creadores coa veciñanza.

Roberto Ansede e Beatriz González, socios de CUAC, presentaron xunto co concelleiro de Culturas, José Manuel Sande, este proxecto que tneta ser unha idea ambiciosa e novidosa que pretende dinamizar a actividade cultural de tres barrios da Coruña: Monte Alto, Sagrada Familia e Os Castros.

FOMENTANDO A CREATIVIDADE COLECTIVA

RADIOBARRIO dará comezo mañá, 22 de abril, desde as 11.30 horas no Centro Cívico de Monte Alto cun obradoiro de capacitación radiofónica aberto á veciñanza e especialmente aos artistas do barrio.

En dito obradoiro os participantes adquirirán nocións básicas de locución,produción radiofónica, comunicación inclusiva e , ademáis de principios xornalísticos.

A inscrición, que é gratuíta, pode realizarse a través deste FORMULARIO

Durante a vindeira semana, as e os asistentes ao obradoiro realizarán a produción do programa –labor no que terán o apoio de CUAC– que porán en marcha o sábado seguinte.

“A idea é que aquelas creadoras e creadores da música, literatura, cinema, videoxogos ou calquera manifestación relacionada co eido cultural, dean pulo a súa imaxinación nun espazo distinto ao habitual, como é a radio”. 

UN PROGRAMA DE RADIO DENDE O BARRIO DE MONTEALTO

O próximo día 29 de abril  os participantes producirán un programa de radio en directo, dende o salón de actos do Centro Cívico de Montealto,  entre as 12.00 e as 14.00 horas, con público, pois estará aberto á veciñanza. Durante a súa emisión, integraranse manifestacións artísticas, nas que se porán en valor aquelas orientadas a valores sociais e comunitarios.

Este programa poderase escoitar tamén no 103.4 FM ou por internet a través da web da radio comunitaria.

A proposta Radiobarrio, aberta a cidadanía como todas as iniciativas que forman parte da convocatoria do Concello da Coruña nomeada Cultura de barrio, terá continuidade na primeira quincena de xullo na Sagrada Familia e na segunda quincena de outubro nos Castros.

Radio Barrio é un proxecto de CUAC FM dentro do ciclo de actividades Cultura de Barrio do Concello da Coruña.
A idea é consiste en realizar un Programa de Radio sen límites, cheo de imaxinación e misturando ideas e coñecementos de artistas da cidade de diversas disciplinas. Pode inscribirse xente da Coruña maior de idade. O sábado 22 será unha mañá adicada a formación básica en radio e á formación de equipos de traballo para as diversas seccións e ideas que verán a luz no programa en directo e con público que se fará o día 29 tamén pola mañá. Entre eses dous días haberá un traballo (levadeiro) para producir os diversos espazos e seccións que completarán duas horas de radio que se emitirán por CUAC FM (en directo ou en diferido).
PARTICIPACIÓN SEN NINGÚN CUSTE ECONÓMICO

Podes inscribirte directamente neste formulario: Radio Barrio CUAC FM Monte Alto
Máis información en comunicacion@cuacfm.org