O xoves 3 de novembro viviremos o penúltimo concerto deste ano do ciclo Música Contada que organizamos no Baba Bar con motivo do XX Aniversario da nosa emisora. Nesta ocasión serán dous autores os que actúen: Robert Pier, presentando su disco Radiante e outros temas da carreira e Pablo Rubén Fernández, que ademáis é compañeiro da emisora. Serán de novo no Baba Bar, dende ás 21:00 e con entrada de 5 euros (2 para socias e socios de CUAC).

O ciclo permite interactuación cos artistas xa que o público pode realizar preguntas aos artistas o que enriquece moito a experiencia que se está a vivir nos 6 concertos que xa levamos do ciclo.

Lembramos que xa están á venda as entradas para ver a El Kanka o domingo 11 de decembro no Garufa Club (levaremos algunhas ao concerto do Baba Bar do xoves 3) no que será o concerto de peche dos actos do XX aniversario de CUAC FM.

CUAC FM retoma este xoves 6 o Ciclo Música Contada, un dos ciclos de actuacións cos que celebra o seu XX Aniversario.

A cita novamente no Baba Bar será cun dos mellores cantautores coruñeses, César de Centi. A noite promete ser emocionante xa que recuperará para a ocasión cancións que fai moito tempo que non tocaba e que seguro que moitos dos seus seguidores agradecen. Durante o concerto, como xa é habitual no ciclo, os espectadores poden facer preguntas e comentarios interactuando co artista. O custe será de 4 euros (2 para socias e socios de CUAC). A apertura de portas ás 21.30.

E xa temos pechadas as duas últimas actuacións coas que pecharemos o ciclo. En novembro, o día 3 será un concerto doble con Pablo Rubén Fernández e Robert Pier, tamén no Baba Bar.

Para pechar o ciclo e tamén os actos do XX aniversario de CUAC teremos un concerto moi moi especial. Un artista que está agora mesmo triunfando e xirando por latinoamérica (Chile, Colombia e México) e que xa encheu a sala Mardi Gras na sua última visita a Coruña, na que presentaba o seu LP “De pana y rubí”. Será o 11 de decembro no Garufa Club. Única data en Galicia e na que se enfrentará a audiencia coa soa axuda da sua guitarra (e voz, claro).

Poderán facerse preguntas pero o sistema será diferente xa que cun aforo tan grande quedarán limitadas a un número razoable para non paralizar o ritmo do concerto.

As entradas están á venda dende xa neste enlace Entradium entradas El Kanka Coruña, ademáis de en Librería Cascanueces e Cafetería Olimpia (ao lado de Garufa Club) por 10 euros. Para a xente de CUAC haberá tamén un prezo especial (informaremos por correo interno).

Manu Clavijo será o encargado de poñer en marcha a segunda parte do ciclo Música Contada que regresa o xoves 8 de setembro ao Baba Bar.

A música de Manu, músico arxentino que viviu varios anos na nosa cidade e realizaou programa en CUAC FM (Naturaleza Sangre) xoga cos sentimentos, con situacións cotiás e con moita ironía.

Ven a presentar o seu último LP lanzado a través de Crowdfunding e titulado: A rastras, mal y tarde.

A entrada custa 5 euros (2 para socias e socios de CUAC FM) e a apertura de portas é ás 21:30 (comezará un pouco máis tarde).

En setembro volve o noso Ciclo de “Música Contada” que CUAC FM  ven organizando este 2016 con motivo do noso XX aniversario.

O cantante arxentino -e coruñés de adopción- Manu Clavijo actuará o xoves 8 de setembro na sala coruñesa Baba Bar.

As entradas teñen un custe de 5€  e de só 2€ se eres socias/os de CUAC.

Manu Clavijo presentaramos o seu último disco, “A rastras, mal y tarde” e falaranos tamén do significado de moitas cancións que escribiu ao longo da súa vida e que nos interpretará o 8 de setembro.

Manu Clavijo é un prolífico cantante, compositor, guitarrista y violinista (¡por orden alfabético!) e viviu anos na nosa cidade.

Clavijo Foi locutor de CUAC FM, facendo un programa musical hai xa bastantes anos, e actualmente reside e traballa  en Madrid, onde produciu o seu último disco e colabora con grandes artistas tocando magníficamente o violín

[youtube https://www.youtube.com/watch?v=EjN1FnFEr_c&w=560&h=315]

O venres 8 teremos o segundo concerto do Ciclo Música Contada que organizamos con motivo do noso XX Aniversario. Nesta ocasión disfrutaremos da presentación de Brais Morán que acaba de editar o seu disco “Cruzando o eclipse”, temas compostos por Brais e interpretados en galego como leva facendo ao longo da sua traxectoria musical. No ciclo, os músicos contan historias sobre as suas cancións e sobre a sua relación coa música e, ademáis, o público pode facer preguntas.

Coñecido por moitos pola sua traxectoria como voz e guitarra de Loretta Martin, nós coñecemos tamén a Brais Morán pola sua participación no programa Recendo da nosa emisora.

O concerto será no Baba Bar (rúa José Luís Pérez Cepeda 23) o venres 8 de abril ás 22:3o horas. Custa 5 euros ou 2 para socias e socios de CUAC FM.  Así soa a sua música.

O domingo 21 de febreiro celebramos o concerto “La Rebelión de los Actores secundarios” na Sala Mardi Gras.

Os artistas andaluces Álvaro Ruiz e El Manin, compañeiros de El Kanka no esceario (que tamén ofreceu un par de cancións) fixeron disfrutar aos asistentes coas cancións que editaron nos seus respectivos discos.

Unha noite fantástica dentro dos actos do XX Aniversario de CUAC FM 

El Kanka interpretou unha canción que non está en ningún disco, El tanguillo del canalla.