Este venres chega á Sala Mardi Gras o quinto concerto conmemorativo dos XXV anos do Concurso de Bandas e solistas de CUAC FM. Mixing Martines con Bonham como cabeza visible do proxecto e entrada libre. Ainda que xa sabes que podes doar o que desexes e irá íntegramente para a Cocina Económica Coruña A apertura de portas será ás 22:30 e o inicio do concerto ás 23:00 horas.

E o ciclo de actividades conmemorativas pecharase o mércores 27 ás 19:30 horas no local da A.C. Alexandre Bóveda na primeira planta do Círculo de Artesáns na rúa Santo Andrés. Presentaremos o libro “MusiCalidade. Galicia está feita de acordes” con textos Noel “Turbulencias” Miguélez e coas ilustracións de Victoria Sánchez. A entrada é libre.

Este ciclo de actividades conta coa colaboración económica do Concello da Coruña.

Cinco salas da cidade acollen concertos gratuitos de outubro a decembro

Cuac Fm leva apostando polo apoio á música de artistas pouco coñecidos dende 1996. O Concurso de Bandas e Solistas, con algún cambio de nome, chegou á súa XXV edición en 2023 e había que celebralo.

O pasado 6 de outubro a Sala Filomatic acolleu un gran concerto de Sickeeper e Crowded, dunhas bandas moi xóvenes mais cunha proxección espectacular.

O ciclo de concertos gratuitos conta coa colaboración do Concello da Coruña e serán un total de cinco noites nas salas máis activas da cidade: Jazz Filloa, Garufa Club, Sala Mardi Gras, Sala Filomatic e La Disfrutona del Orzán.

En todos darase a oportunidade de deixar unha aportación económica voluntaria para a Cociña Económica da Coruña. Unha desas entidades que fan unha labor incrible por toda a xente que a precisa.

A semana que comeza poderás disfrutar do talento de Leticia Rey Quintet, no mítico Jazz Filloa con case 43 anos de vida. Será o martes 24 en dous pases, ás 21:45 e ás 23:00.

E o sábado 28 chega o turno de Las Antonias e Amoebo no Garufa Club, con apertura de portas ás 22:00 horas.

Xa en novembro, o sábado 11 o ciclo visitará á sala máis xoven da cidade, La Disfrutona del Orzán, con Somos La May e Krece no seu esceario.

O ciclo rematará con Mixing Martines o día 22 de decembro na Sala Mardi Gras.

Ademáis dos concertos, estase a preparar un fermoso obxecto que servirá tamén para celebrar eses 25 anos do noso Concurso de Bandas e solistas. Pronto coñecerás máis detalles do mesmo, por agora, aproveita para disfrutar dos concertos e, se podes, aporta algo á Cociña Económica.

O pasado sábado 30 de setembro a Sala Mardi Gras acolleu un ano máis a Batalla de Bandas da XXV Edición do Concurso de Bandas e Solistas de CUAC FM, que conta co apoio da Deputación da Coruña.
A banda murciana Vuelve Abril e a carballesa Apart foron as elexidas polo xurado para disputarse o primeiro e o segundo posto, dotados con 1.000 euros e 900 respectivamente.

O público respostou a esta noite de rock de estilos moi diversos musicalmente. Tras deliberar o xurado ao finalizar as dúas actuacións, Apart, por escasa marxe, foi elexida gañadora desta edición.

No descanso entre as duas bandas entregouse o premio “Eva Coyote” á Mellor Banda Local que foi nesta ocasión para Wasted Wilstons que recolleron o seu premio coa emoción que merece, xusto cando están grabando o seu primeiro disco. O premio é de 900 euros.

Ao final, un ano máis, houbo total compañeirismo entre as bandas finalistas e a música voltou ser a gañadora.Vémonos na XXVI edición. Grazas ás máis de 120 bandas que se presentaron e, un detalle, queda por entregar un premio:A mellor canción en galego. Será antes de que finalice o 2023 cando se saiba. Porque, atención, este XXV aniversario ven acompañador dunha importante celebración: 5 conciertos de bandas locais e unha edición literaria. Pronto, máis detalles!

Cuac Fm colabora co proxecto Radio Pardiñas, unha radio que emite as 24h do día durante a semana do Festival de Pardiñas, en Lugo. Radio Pardiñas é un proxecto de Radio Roncudo de Corme, Radio Kalimera de Santiago, Radio Filispin de Ferrol, Radio Liberdade de Ourense, Cuac FM da Coruña e Radio Neria de Corcubión.

Desde o 30 de xullo de 2023, a radio emitirá 24 horas de directo desde Guitiriz con conversas, entrevistas e a emisión dos concertos. Todo posible grazas á colaboración da AC Xermolos. 

O Festival de Pardiñas, nas ondas da Coruña

Cuac Fm emitirá na 103.4 da FM coruñesa, na nosa web e nas nosas apps unha programación especial durante a fin de semana (5 e 6 de agosto) coa emisión dos pregóns, dos concertos do festival, o aberto de billarda… Unhas emisións en rigoso directo desde Pardiñas coas que a audiencia coruñesa poderá gozar do mítico festival lugués.

• Hoxe, 1º de agosto de 2023 ás 13 horas emítese o último episodio da 1º tempada de ONDA CIENCIA, o programa de divulgación científica de CUAC FM e a UDC 
• Neste coloquio adicado á IA participan os profesores: Verónica Bolón, Noelia Barreira, Xulio Xosé Ferreiro e Margarita Alonso Ramos
• Todos os podcasts están dispoñibles no link: https://cuacfm.org/radioco/programmes/onda-ciencia/
• Un programa conducido por Isabel Lema Blanco e producido por Cristina Naya, coordinadora da Unidade de Divulgación Científica e Cultural  da UDC.  

Neste 5º episodio de ONDA CIENCIA, adicado á Intelixencia artificial abordaremos como o desenvolvemento da intelixencia artificial e dalgunhas das súas ferramentas máis coñecidas están a impactar nas nosas vidas. Queremos coñecer cales son as vantaxes e os campos onde a IA se está a aplicar, pero tamén queremos poñer unha ollada en aqueles aspectos máis controvertidos, ou onde sería preciso unha mellor regulación.   

Para afondar nestas temáticas contamos con catro expertos da Universidade da Coruña chegados de distintas disciplinas científicas, como a informática, o dereito ou as humanidades:     

• Verónica Bolón Canedo. Profesora da Facultade de Informática a súa investigación céntrase nos métodos de machine-learning dentro do campo da IA, con aplicación a temas médicos e a problemáticas ambientais. 
• Noelia Barreira Rodríguez. Profesora da FIC, as súas liñas de investigación son visión computacional e imaxe médica. 
• Xulio Ferreiro Baamonde. Profesor de dereito procesual, na Facultade de Dereito. Investiga sobre o uso da intelixencia artificial no proceso xudicial.  
• Margarita Alonso Ramos. Profesora da Facultade de Filoloxía. Entre as súas liñas de investigación figuran a lexicografía e a lingüística computacional.

Os temas en torno aos que xira o programa son os seguintes: 

• O concepto de Intelixencia artificial e a súa aplicación práctica en eidos como a saúde, a lingüística ou a xustiza penal. 
• A formación especializada e a investigación aplicada que se está a desenvolver na UDC no eido da IA e as súas potencialidades para o mercado profesional dos futuros egresados   
• Os aspectos controvertidos da IA: dilemas éticos. 
• Riscos e retos da intelixencia artificial: a vulnerabilidade da cidadanía frente a desinformación ou o uso non transparente e comercial dos nosos datos. 
• A regulación da IA e o futuro papel da Axencia Estatal de Intelixencia Articial (AESIA). 
• O impacto ambiental da intelixencia artificial. Cara unha IA máis sostible? 

A equipa técnica do programa é a seguinte: 

• Mª Cristina Naya Riveiro, na preprodución.
• Isabel Lema Blanco á conducción do programa.
• Chema Casanova aos controis técnicos. 
• Miguel Anxo Facal na edición e difusión do programa.  

Lembra que podes escoitar ONDA CIENCIA na sintonía de CUAC FM, no 103.4 da FM coruñesa, e dende calquera parte do mundo descargando os podcasts a través da web https://cuacfm.org e das aplicacións móbiles para Android e Apple.

• Neste 4º podcast abordamos as barreiras de xénero que aínda existen no deporte profesional en Galicia con Marta Bobo Arce, María José Mosquera González, Andrea Seijo Ares, e Claudia López López. 
• ONDA CIENCIA é un proxecto de divulgación científica producido por por CUAC FM e a Unidade de Divulgación Científica e Cultural da Universidade da Coruña.
• Os podcasts están dispoñibles no link https://cuacfm.org/radioco/programmes/onda-ciencia/

Mañá martes 25 de xullo, ás 13:00 horas, emitirase en CUAC FM o cuarto episodio de ONDA CIENCIA, no que abordaremos a profesionalización do deporte en Galicia, os avances acontecidos nos pasados anos no deporte galego profesional e tamén as eivas e dificultades aínda existentes, especialmente dende a perspectiva de xénero.  

Para afondar nestas temáticas contamos con catro expertas da Universidade da Coruña do eido das ciencias do deporte, da saúde deportiva e fisioterapia e da comunicación deportiva:     

• Marta Bobo Arce, especialista en rendemento deportivo e xénero, actividade física e calidade de vida, tamén investiga sobre aspectos vinculados á profesionalización deportiva. 
• María José Mosquera González, profesora de Educación Física e Deportiva, investiga sobre cultura deportiva, roles de xénero no deporte e a cultura da “non violencia”. 
• Andrea Seijo Ares, profesora na escola de Fisioterapia e especialista en fisioterapia deportiva. 
• Claudia López López, xornalista en prensa deportiva, investigadora predoutoral, investiga sobre as redes sociais como canle de promoción da actividade física e do exercicio dende a perspectiva de xénero. 

Os temas abordados no programa son:

• A profesionalización do deporte en Galicia e a situación das mulleres deportistas. 
• A masculinación do deporte profesional e as barreiras existentes para as deportistas profesionais. 
• As potencialidades profesionais da fisioterapia deportiva e os teitos de cristal atopados neste ámbito profesional. 
• A presencia das mulleres no eido da xestión deportiva e as oportunidades de especialización. 
• O papel dos medios de comunicación na transmisión de estereotipos no deporte.
• A influencia das redes sociais para os/as deportistas. Luces e sobras da exposición nas redes. 

A equipa técnica do programa é a seguinte: 

• Mª Cristina Naya Riveiro, na preprodución.
• Isabel Lema Blanco á conducción do programa.
• Mariano Fernández aos controis técnicos. 
• Miguel Anxo Facal na edición e difusión do programa.  

Lembra que podes escoitar ONDA CIENCIA na sintonía de CUAC FM, no 103.4 da FM coruñesa, e dende calquera parte do mundo descargando os podcasts a través da web https://cuacfm.org e das aplicacións móbiles para Android e Apple.

El pasado día 3 de julio el jurado del XXV Concurso de Bandas y solistas de CUAC FM finalizó su tarea de votaciones. De ese proceso resultaron ganadores los siguentes proyectos para los diversos premios:

PREMIOS A LAS MEJORES BANDAS GALEGAS. Estas dos actuarán en el Festival Noroeste Estrella Galicia. Fechas y escenario sin determinar

• Hydn (Culleredo)
  Sanny (Vigo)

FINALISTAS DE LA BATALLA DE BANDAS. 30 Septiembre Sala Mardi Gras

• Vuelve Abril (Murcia)
  Apart (Carballo)

PREMIO EVA COYOTE A LA MEJOR BANDA LOCAL 

• Wasted Wiltons (A Coruña)

Tienes todos los detalles del fallo en el apartado de nuestra web correspondiente al XXV Concurso de Bandas y solistas (menú superior CUAC FM)

Gracias a las casi 120 bandas y solistas que se presentaron al concurso y a todas las personas voluntarias de CUAC que participaron como jurado, así como a los jurados externos.

Nos vemos en los conciertos. Enhorabuena a los proyectos premiados!

• Abordaremos as luces e sombras da divulgación científica en galego con Laura Castro, Casto Rivadulla, Alexandre Peres e Cristina Naya
• ONDA CIENCIA é un proxecto de divulgación científica producido por por CUAC FM e a Unidade de Divulgación Científica e Cultural da Universidade da Coruña.
• Os podcasts están dispoñibles no link https://cuacfm.org/radioco/programmes/onda-ciencia/

Mañá martes 10 de xullo, ás 13:00 horas, emitirase en CUAC FM o terceiro episodio de ONDA CIENCIA, no que abordaremos as luces e sombras da divulgación científica en galego. ¿Cal é o papel que desempeña a nosa lingua?

Convidamos aos nosos estudos a catro profesores e profesoras da Universidade da Coruña que contan cunha longa experiencia facendo divulgación en diferentes medios de comunicación:     

• Laura Castro Souto, profesora titular da Facultade de Informática e divulgadora tecnolóxica en diversos medios de comunicación como Radio Galega e Revista Revirada. 
• Casto Rivadulla Fernández. Catedrático de Fisioloxía. Comisario da exposición “O mundo na túa cabeza” e autor do libro “A que cheiran as cores”, premio Gala do Libro ao mellor libro de Divulgación Científica 2020.
• Cristina Naya Riveiro. Profesora da Facultade de Ccs da Educación. Coordinadora da Unidade de Divulgación Científica e Cultural da UDC. 
• Alexandre Peres Vigo. Profesor da Facultade de Filoloxía, especialista en sociolingüística galega, planificación e políticas lingüísticas e culturais e Literatura e construción da identidade.

Os temas abordados no programa son:

• A importancia da divulgación científica en galego e a necesidade de referentes galegos no eido da ciencia.
• As vantaxes e dificultades da divulgación en galego.
• A cobertura da ciencia nos medios de comunicación de Galicia.  
• O auxe das redes sociais como espazos de divulgación científicas.
•  O papel da UDC no eido da divulgación científica en galego.

A equipa técnica do programa é a seguinte: 

•  Mª Cristina Naya Riveiro, na preprodución.
• Isabel Lema Blanco á conducción do programa.
• Mariano Fernández aos controis técnicos. 
• Miguel Anxo Facal na edición e difusión do programa.  

• Videoxogos: industria, entretemento e valores, o novo podcast de ONDACIENCIA que se emitirá máña MARTES 19 DE XUÑO ás 13:00 horas pola FM coruñesa, a nosa Web https://cuacfm.org/directo/ e as nosas APPs móbiles.
• ONDA CIENCIA é un proxecto de divulgación científica producido por por CUAC FM e aUnidade de Divulgación Científica e Cultural da Universidade da Coruña.
• Os podcasts están dispoñibles no link https://cuacfm.org/radioco/programmes/onda-ciencia/

Neste segundo episodio de ONDA CIENCIA, nomeado “Videoxogos: industria, entretemento e valores”, adicado ao desenvolvemento da industria dos videoxogos e o impacto que ten sobre a sociedade dende unha perpectica multidisciplinar, contamos con 4 expertos da universidade da Coruña:

• María Luz Castro Pena, Doutora en informática. Coordinadora do Máster de Deseño, Desarrollo e Comercialización de Videoxogos.   I Premio Ada Byron del CPEIG
• Luís Antonio Hernández Ibáñez. Decano/a – Facultade de Ciencias da Comunicación e docente no grao  en Creación Digital, Animación y Videojuegos. As súas liñas de investigación céntranse na Realidade virtual e entornos inmersivos.
• Patricia Comesaña Comesaña. Profesora de Estratexias de Comunicación Multimedia no grao de comunicación audiovisual 
• Alba Patricia Digón. Profesora de Ccs da Educación na área de pedagoxía e didáctica. As súas liñas de investigación son educación mediática e a educación para a cidadanía global. 

Os temas sobre os que debateu no programa foron: 

• A importancia da industria do videoxogo en Galicia e no mundo
• O papel da Universidade da Coruña como formadora experta dos diversos perfís profesionais demandados nesta industria.
• As estratexias de márketing na industria do videoxogo. Poboacións vulnerables.
• Tendencias de consumo da industria cultural-creativa dos videoxogos.
• Sexismo na industria.
• Trasmisión de valores -negativos e positivos- e estereotipos a través dos videoxogos.
• Os videoxogos como ferramenta educativa e de innovación pedagóxica.

A equipa técnica do programa é a seguinte: 

• Na preprodución de Onda Ciencia está  Mª Cristina Naya Riveiro, coordinadora da Unidade de Divulgación Científica e Cultural da Vicerreitoría de Igualdade, Cultura e Deporte da Universidade da Coruña.
• Á conducción do programa atópase quen vos fala, Isabel Lema Blanco. 
• E contamos con  Miguel Anxo Facal no control técnico, edición e difusión do programa.  

ACAMPA CORUÑA 2023 STREAMING DIRECTO : ACAMPA 2023 en CUAC FM

Escoita o que acontece en DIRECTO en ACAMPA 2023, na carpa central nos Xardíns de Méndez Núñez, os días: 16, 17 e 18 de Xuño.

A través da web https://cuacfm.org/ACAMPA poderás escoitar en en directo todas as presentacións, charlas de debates que se desenvolverán na Carpa Central de ACAMPA.

Consulta toda a programación de ACAMPA 2019 en: https://coruna.redeacampa.org/gl/programa-2023/