A  estrea mundial do documental terá lugar o Xoves 10 de febreiro de 2022. A entrada terá un custe simbólico, que se destinará íntegramente á Cociña Económica.

O documental foi dirixido polo cineasta Iago Prada e condensa 25 anos de actividade radiofónica e asociativa.

Dentro dos actos conmemorativos do 25 aniversario de CUAC FM, o vindeiro 10 de febreiro estrenarase, no Teatro Colón da Coruña, o documental “Nada que ver”, no que se relata a historia da emisora comunitaria da Coruña dende a súa fundación, en 1996 ata a actualidade. 

A longo destes 25 anos, CUAC FM conta con máis de 475 programas emitidos e máis de 1.600 persoas que participaron na nosa emisora, algúns dos cales serán protagonistas desta producción audiovisual. 

O documental “Nada que ver” está dirixido polo cineasta Iago Prada, que asumiu o desafío de comprimir estes 25 anos de historia do Colectivo de Universitarios Activos (CUAC). Un documental, que a día de hoxe atópase en proceso de postproducción. Prada foi asimesmo integrante de CUAC FM e coñece de primeira man a nosa emisora. 

Dende CUAC concebimos esta peza audiovisual coma unha homenaxe, non so ás persoas que fixeron radio connosco durante estas dúas décadas e media, senón tamén ao resto das radios e televisións libres e comunitarias. 

Uns medios que levan garantindo o dereito a comunicar da cidadanía durante máis de 40 anos sen contar coa protección e impulso que merecen e que teñen na inmensa maioría dos paises do noso entorno. Así, os medios de comunicación comunitarios están defender novamente o seu futuro, a través da tramitación parlamentaria da nova Ley General de Comunicación Audiovisual. 

O documental está subvencionado pola Deputación da Coruña e conta coa colaboración do Concello da Coruña que cede o Teatro Colón para o evento. 

CUAC convida á cidadanía coruñesa a que participen nesta estrea mundial, cuxa entrada terá un custe simbólico. A recadación será destinada íntegramente a beneficio da Cociña Económica.

O Xurado do XXIII Concurso de Bandas e solistas de CUAC FM finalizou a sempre complicada selección entre as case 90 propostas recibidas.

A Batalla final será disputada entre Tandub, unha sexteto de ourense, e Jaunx cantante, compositor e dj vigués. Xa teñen confirmada a súa presenza o sábado 15 de xaneiro na Sala Mardi Gras de A Coruña para ofrecer o seu directo e que o xurado determine quen leva o primeiro posto e os 900 euros de premio. Sendo o segundo de 800 euros.

Duas bandas serán as suplentes en caso de que por al´gun motivo non puidese actuar algún dos proxectos finalistas. Trátase de Nolan R de Madrid e Not Anymore de Alicante, por esta orde.

O Premio á mellor banda local é para Wetsocks, que actuarán tamén na cidade da Coruña en data ainda por determinar. O seu premio é de 800 euros.

O xurado está composto por nove persoas voluntarias de CUAC FM e polo divulgador musical Pepe Cunha, que dirixe Ábrete de Orellas, programa de radio e páxina web duas veces recoñecido co Premio Martín Codax a Mellor Proxecto de comunicación musical, e David Saavedra, coruñés afincado en Andalución, xornalista musical en múltiples medios e guionista do programa Un País para escucharlo da 2 de TVE.

As entradas para a Batalla Final poderán adquirirse a partires de finais de decembro a un precio de 3 euros, con desconto para socias e socios de CUAC FM. A concerto comezará ás 22:30 horas e as bandas actuarán durante 40 minutos. A orde de actuación decidirase o mesmo día do evento.

Grazas a todas as bandas que decidiron presentarse ao noso concurso, á Deputación da Coruña e ao Concello da Coruña polo financiamento e a o equipo de xurados polo seu tempo e comprosmiso coa cultura musical e as bandas emerxentes. Vémonos en Mardi Gras o 15 de xaneiro.

O Colectivo de Universitarios Activos -CUAC- celebrará esta fin de semana a ESCOLA DE OUTONO “CONSTRUÍNDO MEDIOS COMUNITARIOS MÁIS RESILIENTES“, aberta a calquera persoa interesada en coñecer máis de preto a labor das radios comunitarias.

A Escola desenvolveráse a tarde do venres 19 de novembro e a mañá do sábado 20 de novembro de 2021. O lugar do evento é a Aula Náutica da Universidade da Coruña (Dique de Abrigo. Dique Barrié de la Maza, s/n., 15001 A Coruña).

A inscripción na Escola é gratuíta e aberta, ata completar o aforo. Para participar deberá cumprimentarse este FORMULARIO.

A Escola de CUAC está destinada á formación e empoderamiento de comunicadoras sociais pertencentes ás radios comunitarias. Contaremos coa participación nos diferentes paneis de experiencias, de representantes de ONDA MERLÍN COMUNITARIA (Madrid), ONDA COLOR (Málaga), RADIO TELEVISIÓN DE CARDEDEU (Cardedeu), RADIO FILISPIM (Ferrol), RADIO SIBERIA (Vitoria-Gasteiz), e RICCAP, a Rede de Investigadores en Comunicación Comunitaria, Alternativa e Participativa. Dende CUAC FM participarán os responsables do programa “Escuela de Familias” da Coordinadora de Tecnoloxía de CUAC FM, que presentarán o proxecto de innovación tecnolóxica para desenvolver un estudo remoto de radio para afrontar o impacto da COVID-19.

PROGRAMA

VENRES 19.11.2021

17:00 Inauguración da Escola

17.15 As radios comunitarias como ferramentas dinamizadoras da comunidade

Presenta e modera: Puerto Pérez Domínguez

• A experiencia de acción social de Onda Color no barrio de Palma Palmilla. Alejandro Blanco, Onda Color (Málaga).
• Empoderando as redes veciñais do barrio de Villaverde a través da radio comunitaria. Alicia Barba Baños e José Manuel Mínguez, Onda Merlín Comunitaria (Madrid).
• Escuela de Familias. Un programa para a sensibilización intercultural e a participación das familias migrantes na escola. Duvraska Plaza, CUAC FM (A Coruña).
• Coloquio

18.30. Resiliencia frente á pandemia. Éxitos e aprendizaxes das radios comunitarias en tempos de coronavirus.

Presenta e modera: Paula Alonso Carracedo

• A fortaleza do traballo en rede: a experiencia da Rede de Medios Comunitarios. Begoña Sánchez Corrales, Radio Siberia (Vitoria-Gasteiz).
• A importancia da radio e televisión de proximidade: o exemplo de Radio Televisión de Cardedeu. Manel Calvet Arrollo, RTVC (Cardedeu).
• A resposta de Radio Filispim aos retos da pandemia. Vicente Irisarri. Radio Filispim (Ferrolterra). 
• A innovación tecnolóxica ao servizo da radio comunitaria, a experiencia de Cuac FM. Chema Casanova e Fernando Souto, CUAC FM (A Coruña).
• Coloquio 

19:45. Presentación do libro: “La Comunicación Desde Abajo. Historia, sentidos y prácticas de la comunicación alternativa en España”

Presenta e modera: Mariano Fernández Cabarcos

• Alejandro Barranquero (coordinador, presidente de RICCAP)
• Isabel Lema Blanco (coautora)

20:00. Peche da xornada.

SÁBADO 20.11.2021

10:30 Sustentabilidade do Terceiro Sector da Comunicación. Deseño e aplicación de indicadores

Presenta: Isabel Lema Blanco

• Alejandro Barranquero, coordinador do proxecto SOSCom, Universidad Carlos III (Madrid)

10:45 Visualizando o futuro. Taller de escenarios para as radios comunitarias.

• Facilitadores: Isabel Lema Blanco (Universidade da Coruña) e Alejandro Barranquero (Universidad Carlos III)
• Participantes: todas os/as radioactivistas asistentes.

12:00 Taller: ON AIR: Reiniciando CUAC FM

• Facilitadores: María Martínez e Martín Añel
• Participantes: todas as persoas asistentes.

14:30. Peche da Escola

ACTIVIDADE SUBVENCIONADA POR

COA COLABORACIÓN DE

O mércores 6 de outubro chega ás ondas de CUAC FM a primeira emisión da nova tempada de radio do programa Radio 50ypico, un proxecto de FEGAUS, a Federación Galega de Universidades Senior, que da a oportunidade de escoitar voces moi diversas dos campus galegos nun único espazo.

A emisi´ón será semana e dende o segundo programa poderá incorporar a participación da audiencia con notas de audio enviadas ao Whatsapp do programa: 625897323.

A emisión pode escoitarse cada mércores a través da web de CUAC FM, a App gratuita CUAC FM, ou no 103.4 da FM na Coruña e a súa área de influencia de 13 a 14 horas. Ademáis, ao remate do programa, ao igual que toda a programación propia da nosa emisora, estará dispoñible o podcast para escoitar en calquera momento.

Tamén dispoñibles na web de FEGAUS https://fegaus.com/

Os contidos do programa recollen novas dos diversos campus e de FEGAUS, así como seccións de cultura, qué ver nas diversas plataformas, cociña, literatura, entrevistas…

CUAC FM, a radio comunitaria da Coruña, inicia desde outubro a temporada 2021/2022 reforzando a súa grella con novos contidos e novas voces.

Ao longo do mes iranse incorporando ás ondas da 103.4 clásicos da emisora: El Desinformativo, Recendo, Alegría, Café con gotas, Orión 2.1, Simplemente gente, RadioSénior, Escuela de Familias, Mi rollo es el Rock, EnBoxes, La Ciencia es Femenino, Loco Iván, Spoiler, DJ Gaby Oro, Radio 50 y pico, Minority Sports, Cuak ‘n’ Roll, Circo Pirata, Heima, Nubes de papel, MalhumorHadas, Bipolares, Turbulencias e EnWorking.

Ademáis, estreamos dous novos programas:

• Fanzine Radio: Un programa colaborativo no que compartir experiencias coa música electrónica como nexo común.
• Vellenials: Un programa para reivindicar os Millenials Indies. Estamos xa case nos 40, estamos máis cerca de falar de nichos e de pensións, que de hypes, crushes e festivais. Somos unha xeración de tránsito entre o mundo de nosos pais e un mundo moi moderno, sen a transición que pasaron outros paises. Somos o principio e o final de todo. A última xeración que se acordará das festas en garaxes con cigalas do tamaño dunha man, e a primeira que cortou coa sua parella por sms. Somos especiais e por iso temos que compartir as nosas vivencias para que o mundo o sepa.

A maioría de programas de CUAC FM continúan a emitirse de forma remota grazas as melloras técnicas implementadas desde a aparición da pandemia do Coronavirus e que nos permitiron continuar coa nosa programación con normalidade durante os pasados meses.

Esta temporada, por se fose pouco, tamén comezarán a soar na 103.4 FM:

• Balea Vermella: Programa semanal de divulgación científica e entrevistas a investigadores e investigadoras galegas.
• Fóra de Mapa: Podcast en galego que busca dar a coñecer as minorías menos visibles que existen en Europa.
• As Womansplainers: Como elas mesmas din, é un programa semanal no que as “señoras che explican cousas”.
• Té con gotas: Programa sobre actualidade política e social feito desde o Reino Unido.
• A Rumboia: Pílulas de coñecemento sobre a nosa música tradicional e folk feito pola Asociación de Gaiteir@s Galeg@s.
• Galiza… Algo máis: Programa semanal sobre a actualidade galega feito desde Sants 3 Radio, Cataluña.
• Coffee Break Señal y Ruído: Tertulia sobra a actualidade científica semanal feita desde o Instituto de Astrofísica de Canarias.
• La Luna sale a tiempo: Programa de radio con formato de revista sobre cultura, sociedade, medio ambiente, dereitos humanos… feito desde Valencia.
• Fat Sounds Sonidos Gordos: Programa coa mellor seleccion de música reggae feito desde Radio QK (Oviedo), unha das radios libres máis antigas do estado español.
• Alcarria Savage Tunes: Programa semanal de música electrónica diferente feito desde Radio Arrebato, en Guadalajara.

CUAC FM pode escoitarse na 103.4FM da Coruña, na web www.cuacfm.org/directo ou nas apps para Android e iOS. Ademáis, tamén é posíbel escoitar a emisora comunitaria da Coruña nos altavoces intelixentes. Todos os podcasts dos nosos programas están dispoñibles na nosa web.

Información completa en https://asociacionatlantics.org/lalocurasuprema/

A Asociación educativa Atlantics vai realizar un grande esforzo loxístico e de voluntariado para compartir coa audiencia de CUAC FM no 103.4 do dial coruñés, así como na web cuacfm.org e nas redes sociais da asociación, a emisión durante 23 horas e media sen interrupcións dun maratón de radio solidario.

O obxectivo é lograr fondos para o Banco de Alimentos Rías Altas.
Durante todo o tempo que dure a emisión, así como antes e despois, pódese doar fondos a través de diversos sistemas (Paypal, Bizum e conta bancaria) que están na páxina web lalocurasuprema.es

Pasarán polos micros xentes da comunicación, da cultura, do mundo asociativo, de entidades solidarias… Por destacar algunhas das persoas conviadadas, podemos sinalar a Juan Carlos Ortega, Pedro Brandariz ou Melania Cruz. Haberá tamén intervencións dende o extranxeiro, como a das mexicanas Luisa Alfaro e Mon López.

Convidámos a toda a xente amiga de CUAC FM a colaborar na medida das súas posibilidades, ademáis de disfrutar das emisións dos nosos compañeiros e toda a xente convidada.

Cuac Fm, a radio comunitaria de Coruña, celebra o fallo do Tribunal Supremo que condena o Estado español a indemnizar á familia do reporteiro gráfico José Couso, asasinado en Bagdad en 2003 a mans do exército dos Estados Unidos.

A sentenza recoñece o dereito a unha indemninzación de 182.290 euros alegando que os cidadáns do Estado teñen dereito a protección diplomática algo que tanto o goberno español en 2003 como os sucesivos ata o momento omitiron. O maxistrado Wenceslao Olea considera que se deu “a calada por resposta”.

Cuac Fm sempre se posicionou con José Couso e a súa familia levando o seu nome o noso principal estudio de radio, na Zapateira, dende onde emitimos para toda Coruña diariamente.

Radio Libremente é a radio do Centro Penitenciario de Monterroso, unha iniciativa enmarcada no Plan de Animación Sociocultural desa prisión, impulsada por Aliad Ultreia e no Grupo SEPA (Universidade de Santiago de Compostela).

Os programas están elaborados e locutados por un grupo de internos, formados previamente en radio. Todo iso foi posible grazas á participación activa da asociación Melisa, ao fronte do control técnico. (https://www.melisa.gal/) (https://www.aliad.org/). Tamén a Escola de Radio de Cuac FM, desplazouse ata ese espazo na provincia de Lugo onde impartiu formacións radiofónicas.

O proxecto pretende empregar as potencialidades de facer radio para aprender a respetar, dialogar e traballar en equipo.

El equipo está composto por:

Bibu, Jefferson, Braulio y Johny: Elaboración, locución e gravación
Miguel, María e Paula (asociación Aliad Ultreia e asociación Melisa) : producción programas
Jorge e Miguel (asociación Melisa): control técnico, edición, montaxe e emisión de programas

Os audios elaborados serán emitidos en Cuac FM os mércores ás 18:00h, e poderán ser escoitados a continuación na web e nas apps da radio comunitaria da Coruña.

https://cuacfm.org/radioco/programmes/radio-libremente/

O alumnado de Producción do centro de Someso asistiu a unha charla formativa por parte do equipo da Escola de Radio de CUAC.

O día 17 de maio ás 22:00 horas, Día das Letras galegas, está previsto que se emita o programa inaugural realizado polo Alumnado de Producción da Escola de Imaxe e Son da Coruña. O proxecto radiofónico terá unha periodicidade mensual e conta co apoio de duas docentes, Olga e Olaia. Como todas as emisións de CUAC FM, poderase disfrutar en formato podcast unha vez emitido.

Co título de A Guarida Violeta deixamos que a túa imaxinación xogue a pensar cales serán os contidos.

A Escola de Radio de CUAC FM desplazouse ata as suas instalación para ofrecer un par de módulos formativos a cargo de Paula Alonso e Tomi Legido, co obxectivo de aportar os coñecementos acumulados na nosa Radio Comunitaria e dar a coñecer tanto o movemento de medios comunitarios como os principais trucos á hora de afrontar a realización e emisión dun programa de radio.

Agardamos que A Guarida Violeta teña unha longa traxectoria en CUAC FM e que tanto ointes como o equipo do programa disfrutedes das emisións.

O 27 de marzo de 1996 inaugurouse CUAC FM no Campus universitario de A Zapateira, nas instalacións da Facultade de Económicas. 25 anos despois e nunha ubicación tamén pertencente á Universidade da Coruña o proxecto continúa adiante dende a frecuencia modulada no dial 103.4, ademáis de dende a páxina web cuacfm.org/directo e a App gratuita para Android e Ios.

475 son os programas diferentes son os programas que teñen pasado pola emisora para lograr chegar a estes 25 anos de emisións.

A celebración veuse moi limitada polas circunstancias. Ainda así, tivemos tres actuacións musicais no Centro Ágora grazas ao Concello da Coruña e ao financiamento da área de Cultura da Deputación da Coruña. Disfrutamos da Mellor Banda local do XXII Concurso de Bandas e solistas da emisora, Adhara & Ritman e tamén da Batalla de Bandas da que resultaron gañadores Young Forest (banda madrileña). Psychoducks, dende Oleiros acadaron o segundo posto. Un brindis a través de videoconferencia puxo o peche, polo de agora, aos actos conmemorativos deste importante aniversario.

Dende CUAC FM queremos agradecer aos medios de comunitación que se fixeron eco deste importante aniversario. Compartimos ligazón as diversas reportaxes publicadas:

https://praza.gal/ducias/momentos-dos-25-anos-de-vida-de-cuac-fm

https://www.elidealgallego.com/texto-diario/mostrar/2811853/cuac-fm-cuarto-siglo-radio-activismo-promocion-cultura

https://www.laopinioncoruna.es/coruna/2021/03/27/cuac-fm-25-anos-antena-45925628.html