O mércores 12 de febreiro de 18 a 20 horas a Radio Comunitaria da Coruña achegarase ao Centro Cívico de Elviña para realizar un programa dende o salón de actos. O acceso é libre ata completar aforo. Durante a emisión falaremos coas persoas asistentes, representantes de asociacións do barrio e teremos ao músico Paul Álvarez, compositor e guitarrista, para pechar o programa.

O xoves 13, que é realmente o Día Mundial da Radio, estaremos no CCM de Los Rosales, un espazo cheo de vida. Alí celebraremos o programa nº 100 dos nosos compañeiros de Radio Activa, o programa realizado polo equipo de Padre Rubinos e tamén emitiremos Internet de tu color favorito, unha vez máis dando protagonismo ás voces do barrio. Tamén será de 18 a 20 horas no Salón de actos, en plena Praza Elíptica.

Segue as emisións de CUAC FM a través da fm no 103.4 ou en internet a través da nosa app, Tune in ou https://cuacfm.org/directo/

Cuac FM, a radio comunitaria da Coruña, organiza hoxe 17 de xaneiro e mañá 18 o II Encontro Estatal de Mulleres Radiantes, “Muller, Radio e Comunicación Comunitaria“, destinado á formación e empoderamiento de comunicadoras sociais pertencentes ás radios comunitarias e no que participarán 60 persoas achegadas dende todo o estado.

Ademáis dunha ampla participación das socias de CUAC FM (A Coruña), participarán neste II Encontro compañeiras de RADIO ABIERTA (Sevilla), RADIO KRAS (Gijón), RADIO FILISPIM (Ferrol), RADIO SIBERIA (Vitoria-Gasteiz) e as LIDERESAS DE VILLAVERDE- OMC RADIO (Madrid).

O evento celébrase no edificio A Normal, coa colaboración da área de cultura da Universidade da Coruña (Paseo de Ronda, 47).

O encontro poderase seguir por Internet por streaming de audio a través de https://cuacfm.org/mulleres-radiantes/

O II Encontro Mulleres Radiantes comezará esta tarde a partires das 17:00 horas, cunha serie de actividades de benvida, para dar paso a un panel de discusión onde diferentes radiofonistas e xornalistas debaterán sobre comunicación:

Venres 17.01.2020:

17.00 – 19.00: Benvida. Actividades e xogos.
19.00 – 21.00: Mesa-debate:​ “como combatir o discurso da extrema dereita dende os medios”. Participan a xornalista e experta en Comunicación María Nieto Díaz, Antía Pérez Caramés do Equipo de Socioloxía das Migracións Internacionais – ESOMI Coruña, e Susana Milnes de Les Coruña. Modera Yosi Hatillo.

ROSA CEDRÓN pechará o II Encontro de Mulleres Radiantes

As actividades do II Encontro continuarán o sábado 18 na Normal coa presentación de diferentes proxectos radiofónicos liderados por mulleres de todo o estado, así como a realización dos talleres: “lenguaxe inclusivo nos medios (conducido por Estela López Rodríguez), e “psicoloxía aplicada á mulleres radiantes” (conducido por Marta Gómez).

Á 20:00 horas concluirase o encontro cun concerto de luxo: ROSA CEDRÓN, a recoñecida artista coruñesa, que virá acompañada do pianista Miguel Arthus.

O II Encontro de Mulleres Radiantes conta coa colaboración das seguintes entidades: Deputación Provincial da Coruña Concello da Coruña Universidade da Coruña Normal Concellería de Educación e Cultura da Coruña

O prazo de inscricion remata o venres 24 de xaneiro

O centro cultural Normal da UDC convoca os seus Obradoiros Culturais para o primeiro semestre de 2020.
Unha proposta moi variada na que tamén atoparás a formación que ofrece CUAC FM de Iniciación á Radio que de xeito excepcional impártese na nosa Escola de Radio no Campus da Zapateira.

Nesta ligazón atoparás toda a información que precisas e os diversos obradoiros dispoñibles.

https://www.udc.es/gl/novas/Convocatoria-de-matricula-dos-obradoiros-de-cultura-do-2-cuadrimestre-do-curso-2019-2020/

Por décima ocasión consecutiva, despedimos o ano coa tropa de Que No Es Poco, un programa de humor no que se repasa o acontecido durante o 2019. Este especial inclúe tamén a emisión das badaladas para que poidas comer as uvas con Cuac FM.

Comeza o día 31 ás 21:00 e alóngase ate o 2020 ¡Dálle a benvida connosco na 103.4!

Dentro da cobertura especial que CUAC FM, a radio comunitaria da Coruña, realiza das eleccións ao reitor da Universidade da Coruña (que se celebran o vindeiro mércores 4 de decembro de 2019) , CUAC FM entrevistou a Fernando Martínez Abella.

O Dr. Fernando Martínez Abella é catedrático de de Enxeñería da Construción na Escola de Camiños e se enfronta ao actual reitor liderando a candidatura “Impulso Renovado”.

Escoita a entrevista a Fernando Martínez Abella no seguinte enlace:

Esta entrevista emitirase a través do 103.4 da FM e do streaming de CUAC FM nos seguintes horarios: 

Luns 2.12  ás 00:00, 13:00 e 15:00
Martes 3.12 ás 00:30, 15:30 e 22:30

Unha cobertura realizada por CUAC FM con Isabel Lema á locución, Chema Casanova ao control técnico, Miguel Anxo González nas redes sociais, Alberto Ansede, Chus Abeledo, Bea Ulalume e Julia Huertas na equipa de producción deste especial. 

Dentro da cobertura especial que CUAC FM, a radio comunitaria da Coruña, realiza das eleccións ao reitor da Universidade da Coruña (que se celebran o vindeiro mércores 4 de decembro de 2019) , CUAC FM entrevistou a Julio Abalde Alonso.

O Dr. Julio Abalde Alonso é catedrático de microbioloxía na facultade de ciencias e ostenta o cargo de actual Reitor da UDC, presentándose á reelección por 4 anos máis de mandato.

Escoita a entrevista a Julio Abalde no seguinte enlace:

Esta entrevista emitirase a través do 103.4 da FM e do streaming de CUAC FM nos seguintes horarios: 

Luns 2.12  ás 00:30, 11:00 e 15:30

Martes 3.12 ás 00:00, 15:00 e 22:00

Unha cobertura realizada por CUAC FM con Isabel Lema á locución, Chema Casanova ao control técnico, Miguel Anxo González nas redes sociais, Alberto Ansede, Chus Abeledo, Bea Ulalume e Julia Huertas na equipa de producción deste especial. 

O vindeiro mércores 4 de decembro de 2019 celébrase na Universidade da Coruña as eleccións á reitoría, que escollerá ao reitor e a súa equipa de goberno para os vindeiros catro anos.

Dende CUAC FM faremos unha cobertura especial das eleccións que consistirá en:

– Debate en directo cos dous candidatos á reitor, Julio Abalde Alonso e Fernando Martínez Abella, que se emitirá mañá sábado 30 de novembro, en directo, ás 12 da mañá. O debate poderase seguir no 103.4 da FM (A Coruña) e a través do noso streaming na web https://cuacfm.org/directo

ESCOITA O DEBATE NO ENLACE:

– Entrevista individual a cada un dos candidatos, Julio Abalde Alonso e Fernando Martínez Abella, que se emitirá en diferentes horarios de emisión no 103.4 da FM a partires do domingo 1 e ata o martes 3 de decembro. 

– Publicación de ditas entrevistas e do debate na web de CUAC FM para que as poidas escoitar cando e onde queiras, a través do noso repositorio de podcasts de Cuac FM: https://cuacfm.org/radioco/programmes/eleccions-reitoria-da-udc-2019/2019×1/

Os candidatos responden á audiencia 
Se es membro da Comunidade Universitaria da UDC ou simplemente lle queres facer unha pregunta aos candidatos, fainos chegar as túas preguntas a través da nosa web, as nosas redes sociais, ou, en directo durante o debate, no noso chat. Entre todas as vosas preguntas faremos unha selección que lles formularemos aos candidatos durante o debate. 

Este mes fixemos estrea dun novo programa: Tá-se bem na rádio. Un espazo no que se fala dos medios de comunicación, de actualidade de programas e series e, de cando en vez, de Eurovisión.

Podes escoitalo cada dous martes de 20:00 a 21:00 ou no noso servizo de podcast.

Mañá, sábado 9 de novembro, Internet de Tu Color Favorito grabará un programa de 18:00 a 20:00 desde a Domus con motivo da OSHWDem de BricoLabs, unha feira na que atoparás inventos impresionantes sobre novas tecnoloxías, robótica, arte, Internet das cousas, electrónica, hardware, software… Non faltes á cita!

Mañá mércores 16 de outubro de 2019 a emisora comunitaria CUAC FM impartirá unha conferencia na Universidade da Coruña sobre a súa experiencia como medio comunitario da Coruña dende hai máis de 22 anos.

Esta actividade nomeada “A experiencia de CUAC FM, Radio Comunitaria da Coruña” terá lugar ás 16:00 horas no salón de actos da Facultade de Comunicación Audiovisual e Socioloxía (Campus de Elviña, Universidade da Coruña) convidados polo profesor Juan Jesús Romero Cardalda. A participación é libre e gratuíta e está aberta a calquera persona interesada.

A conferencia estará impartida polos membros da coordinadora de Organización e Estratexia de CUAC FM, Mariano Fernández e Isabel Lema que desenvolverán unha ponencia sobre a traxectoria de Cuac FM, abordando a loita legal e institucional que levou a cabo nestes últimos anos ata acadar -via recurso ante os tribunais- unha licencia de emisión.