Un ano e un mes despois de que  CUAC decidise cesar as emisiòns na FM por mor da apertura do expediente sancionador, por parte da Xunta de Galicia, no que se ameazaba cunha sanciòn a esta emisora comunitaria de ata 200.00€, a Sala do Contencioso-administrativo do Tribunal Superior de Xustiza de Galicia (TSXG) ven de dictar unha sentenza no que “estima o recurso presentado pola Asociación Colectivo de Universitarios Activos (CUAC) contra a prohibición de emisión radiofónica en FM ditada pola Xunta de Galicia“ na resoluciòn de dito expediente sancionador do pasado mes de febreiro de 2018.

Dita sentenza, ditada con data de 29 de outubro de 2018, consta dos seguintes puntos:

1. O TSXG admite o recurso presentado por CUAC contra a a resoluciòn do expediente sancionador no apartado 2 no que a Xunta advirte a Cuac FM “que podería ser sancionada se continuase coa actividade”
2. O TSXG declara que a Secretaría Xeral de Medios da Xunta de Galicia infrinxiu “os dereitos fundamentais de CUAC” por vulnerar o artigo 20 da Constitución Española que recoñece o dereito da cidadanía á liberdade de expresión e comunicación,  no que se inclue do dereito “de creación e uso de medios de comunicación, neste caso dos servizos de comunicación audiovisual comunitarios”. Asi, o dereito á creación de medios de comunicación “a través dos cales difundir ideas, opinións e información” é unha “das liberdades recoñecidas” na Constitución.
3.  O TSXG declara na sentenza que Cuac FM ten vixente unha garantía temporal de emisión (que lle negaba a Secretaría Xeral de Medios) mentres a administración competente “non se pronuncie de forma motivada e clara sobre a falta da devandita garantía temporal”. As xuízas do TSXG argumentan que a lexislaciòn audiovisual prevé un período en que os operadores poderán seguir emitindo ata que se regule polo Estado, “prevendo a concesión das oportunas licenzas, sen que se producise aínda a regulación normativa en Galicia”.

A sentenza pode lerse na sùa integridade no seguinte enlace: Sentenza_Cuac_FM (PDF)

Asi pois, o fallo do Tribunal Superior de Xustiza de Galicia é estimatorio de todas as pretensións de Cuac FM, recoñece o seu dereito a emitir pola Frecuencia Modulada, outorga a Cuac FM unha garantía temporal de emisión e considera contra dereito a resoluciòn da Xunta de Galicia.

As socias e socios de CUAC reuniranse en asemblea o vindeiro mèrcores 31 de outubro co fin de decidir os vindeiros pasos a dar por parte do Colectivo. CUAC agradece a todas as persoas e entidades que, dende diferentes àmbitos apoiaron a esta emisora comunitaria na sùa defensa da liberdade de expresiòn e dos dereitos da cidadanìa, às que seguirà informando a travès das sùas canles habituais de comunicaciòn social. #CuacResiste #CuacVolve

O pasado sábado 6 de outubro celebrouse a XX Final do Concurso de Bandas e Solistas de CUAC FM na Sala Mardi Gras. Os galegos Maestro que teñen a sua base de operacións en Muros foron os que levaron o Primeiro Premio dotado con 800 euros. Dende Alcorcón con un fantástico directo tamén, The Special Case acadaron o segundo premio e 600 euros.

Unha final moi disputada cunha boa asistencia na sala e con dous estupendos concertos e un xurado ao que lle custou moito tomar a decisión.

Tamén desvelamos a canción gañadora do Premio á Mellor Canción en galego, un galardón que se entregaba nesta XX edición por primeira vez. O premio foi para Atrás Tigre co tema “Xente que mira”. Casualmente, fai uns días estreábase o videoclip da canción así que xa a podemos disfrutar con imaxes.

Quedades con ela, mais antes queremos destacar unha serie de agradecementos: Ás máis de 100 bandas presentadas por ofrecernos as suas cancións. As 4 bandas que actuaron no Festival Noroeste Estrella Galicia no esceario de Riazor: LOLA, Tunduru, The Soul Breakers e Elman. Aos xurados voluntarios de CUAC FM polo seu traballo e tamén aos catro profesionais da música que nos axudaron na elección. O concurso non sería posible sen o financiamento que acadamos por parte da Concellaría de Culturas do Concello da Coruña. Ao equipo da Sala Mardi Gras que ano tras ano nos axuda a disfrutar da Batalla de Bandas e, finalmente, ao público que estivo en Riazor e este pasado sábado en Monte Alto.

Imos pola 21ª edición e seguro de xa de volta á FM. #CuacResiste

Un ano máis a Sala Mardi Gras acollerá a Batalla de Bandas do Concurso de Bandas e Solistas de CUAC FM. Chegamos ás XX edicións e nesta ocasión veremos a The Special Case dende Alcorcón (Madrid) e a Maestro, banda de Muros con conexións coruñesas.

Será o sábado 6 de outubro ás 22 horas e cun prezo simbólico de 3 euros (1 para as persoas socias de CUAC).

As radios comunitarias temos como un dos nosos obxectivos dar a coñecer artistas e proxectos con talento e, grazas á colaboración do Concello da Coruña, entregaremos 1400 euros en premios (800 para o primeiro clasificado e 600 para o segundo). O xurado otorgará os premios tras disfrutar das duas actuacións.

Este ano, temos un novo premio con motivo do XX aniversario do noso concurso. 300 euros levará a Mellor canción en galego de entre todas as que recibimos nesta edición. E será no descanso entre as duas bandas cando demos a coñecer a gañadora. Ainda non se realizaron as votacións.

Deixamos aquí un par de vídeos para que podas disfrutar das bandas

The Special Case

Maestro

LA FISCALÍA ESTIMA QUE LA XUNTA DE GALICIA VULNERA LOS DERECHOS FUNDAMENTALES DE CUAC FM

En el recurso de CUAC contra la Xunta de Galicia, el Ministerio Fiscal, le solicita al Tribunal Superior de Justicia de Galicia “que reconozca la lesión del derecho a crear medios de comunicación social que viene denunciando esta asociación”

Hace casi un año, el 1 de Octubre de 2017, la radio comunitaria de A Coruña, Cuac FM, apagaba su emisor ante la incoación de un procedimiento sancionador por parte de la Secretaría General de Medios de la Xunta de Galicia, bajo la sanción de una multa de entre 100.001 y 200.000€. ( Ver comunicado CUAC FM ).

Tras el recurso administrativo presentado por el Colectivo de Universitarios Activos (CUAC), en el que se solicitaba el archivo del expediente, La Xunta de Galicia resolvió:

1) retirar la sanción, por considerar que la actividad de CUAC FM no es merecedora de sanción;

2) prohibirle, a pesar del anterior, emitir de nuevo en la frecuencia modulada (al menos hasta el desarrollo reglamentario de la Ley 7/2010 General de Comunicación Audiovisual que el Gobierno está incumpliendo).

Tal y como se explicó en un comunicado anterior, CUAC consideró que la Xunta está haciendo una interpretación restrictiva de los derechos constitucionales del derecho constitucional a comunicar recogido en el artículo 20.1.la) de la Constitución Española.

Ante tal resolución de la Secretaría General de Medios, CUAC interpuso un recurso contencioso-administrativo contra la Xunta de Galicia por violación de los derechos fundamentales, con el fin de que sean los tribunales de justicia los que restituyan el derecho de la ciudadanía a acceder al ejercicio de la comunicación a través del medio comunitario.

A FISCALÍA ESTIMA QUE A XUNTA DE GALICIA VULNERA OS DEREITOS FUNDAMENTAIS DE CUAC FM

No recurso de CUAC contra a Xunta de Galicia, o Ministerio Fiscal, solicítalle ao Tribunal Superior de Xustiza de Galicia “que recoñeza a lesión do dereito a crear medios de comunicación social que ven denunciando esta asociación”

Hai case un ano, o 1 de Outubro de 2017, A radio comunitaria da Coruña, Cuac FM, apagaba o seu emisor ante a incoación dun procedemento sancionador por parte da Secretaría Xeral de Medios da Xunta de Galicia, baixo a sanción dunha multa de entre 100.001 e 200.000€.  ( Ver comunicado CUAC FM )

Tras o recurso administrativo presentado polo Colectivo de Universitarios Activos (Cuac), no que se solicitaba o arquivo do expediente, A Xunta de Galicia resolveu:  

1) retirar a sanción, por considerar que a actividade de CUAC FM non é merecedora de sanción;

2) prohibirlle, a pesar do anterior, emitir de novo na frecuencia modulada (alomenos ata o desenvolvemento regulamentario da Lei 7/2010 General de Comunicación Audiovisual que o Goberno está a incumprir).

Tal e como se explicou nun comunicado anterior , CUAC considerou que a Xunta está a facer dunha interpretación restritiva dos dereitos constitucionais  do dereito constitucional a comunicar recollido no artigo 20.1.a) da Constitución Española.

Ante tal resolución da Secretaría Xeral de Medios, CUAC interpuxo un recurso contencioso-administrativo contra a Xunta de Galicia por violación dos dereitos fundamentais, co fin de que sexan os tribunais de xustiza os que restitúan o dereito da cidadanía a acceder ao exercicio da comunicación a través do medio comunitario.

Dito recurso foi admitido a trámite este verán por parte do Tribunal Superior de Xustiza de Galicia, cuestión que se está a dirimir nestes momentos. Como o fondo do asunto afecta á protección do exercicio de dereitos fundamentais, o Ministerio Fiscal ven de emitir un informe no que manifesta e fundamenta xuridicamente a súa coincidencia coa posición defendida por CUAC na súa demanda contra a Xunta de Galicia.

Así, o Ministerio Fiscal, institución xudicial cuxa principal función é a garantía dos dereitos fundamentais, argumenta que non é xustificada nin acorde a dereito a  advertencia que fai a Xunta de Galicia de que Cuac FM non pode volver  a emitir na FM. Neste senso, o Fiscal alega en favor da demandante, argumentando que:

“Parece una incongruencia procedimental aprovechar una actividad sancionadora para ir más allá de la comprobación de hechos sancionables y derivar consecuencias de futuro”

A Fiscalia considera que a Xunta está efectivamente limitando o dereito de expresión cando na resolución do expediente sancionador fai un apercibimento a CUAC de que non pode emitir ao non existir o desenvolvemento regulamentario da Lei 7/2010 General de Comunicación Audiovisual (que o Goberno está obrigado a cumprir dende o 2010 e para o que só tiña o prazo dun ano para aprobalo).

“la medida señalada, e impugnada, comporta de una manera difusa, una orden de cesación de una actividad de emisión audiovisual garantizada por el artículo 20 de la Constitución Española. Situación inevitable, pues aunque el afectado quisiese someterse a las limitaciones legales, parece que en estos momentos no podría hacerlo. Lo que desemboca en una efectiva imposibilidad de desarrollar la actividad que venía haciendo”.

Polo tanto a Fiscalía comprende que, neste caso, CUAC atópase nunha situación que lle impide de facto desenvolver a súa actividade radiofónica, pois aínda que se solicitou en numerosas ocasións unha licenza comunitaria, a Xunta non tivo nunha a ben convocar o concurso pertinente, nin conceder títulos temporais habilitantes de emisión, tal e como si permite a Lei 7/2010 vixente.

Esta imposibilidade de cumprir a normativa vixente, coloca a CUAC nunha situación de “limbo xurídico”, á espera de que as administracións decidan desenvolver un dereito fundamental. Isto é achacable, segundo a Fiscalía, a que:  

“El desarrollo de esta normativa y su puesta en funcionamiento no se ha producido, por lo menos en la Comunidad Autónoma de Galicia. Ello supone un incumplimiento de un mandato legislativo por parte de alguien que constitucionalmente está obligado a cumplir y dar ejecución de lo dispuesto por el representante popular. Y además coloca, como en este caso, a aquellos que están ya presentes en el uso del espacio radioeléctrico, en una situación de limbo jurídico, pues no pueden regularizar su situación, y pueden quedar al albur (como en este caso) de que la Administración decida usar sus potestades sancionadoras”.

Deste xeito, o Ministerio Fiscal conclúe que:  

“Con las alegaciones anteriormente expuestas, se continúe el proceso por los cauces señalados y, en su día, se dicte sentencia en la que se declare la lesión del derecho a crear medios de comunicación social, de la asociación recurrente”.

CUAC saúda o posicionamento do Ministerio Fiscal que recoñece que a Xunta de Galicia está a impoñer unha situación de facto que impide o exercicio de dereitos fundamentais.

Mentres non se substancie este recurso contencioso-administrativo, Cuac FM continuará emitindo exclusivamente por internet, a través da súa páxina web, servizos de streaming e podcasting,  e aplicacións para dispositivos móbiles.

Cuac FM empregará todos os medios dos que dispoña para garantir o cumprimento real e efectivo dos dereitos do público a recibir información e opinión a través de medios comunitarios, xa que as administracións públicas semellan ineficaces para iso.

Cuac FM volve a agradecer ás persoas, colectivos e institucións que amosaron publicamente o seu apoio e asinaron o Manifesto polo Dereito a Comunicar. Ese respaldo masivo deunos moita forza para seguir adiante. Esperemos que os Tribunais de Xustiza lle recoñezan á cidadanía o dereito que as administracións lle negaron pola súa inoperancia.

#CUACResiste

A Coruña, 13 de setembro de 2018.

Coa chegada do mes de setembro a emisora comunitaria da Coruña CUAC FM comeza a retomar a sua actividade. Múltiples programas regresan durante este mes as suas emisións coas temáticas máis diversas, algo que caracteriza á emisora. Nesta ligazón podes consultar os programas que emiten cada día en directo. A radio coruñesa pódese escoitar en streaming ou a través dos podcast, todo dispoñible na web cuacfm.org e nas Apps gratuita para Android e Ios.

A emisión en FM (103.4) segue sen estar dispoñible pola prohibición expresa da Xunta de Galicia con nova ameaza de sanción, pese a considerar esa administración que os 21 anos de emisión en FM non eran merecedores de sanción. Dispoñer da licenza que se nos solicita é imposible actualmente (como desmostramos con ampla documentación ante a propia Xunta), pese a que a lexislación vixente tanto española como galega recolle a existencia dos Medios Comunitarios como un dereito da cidadanía (tanto de emitir neles como de recibir o seu sinal). CUAC FM segue a loita a través da xustiza para regresar á Frecuencia Modulada, apoiada por institucións tan relevantes como o Pleno da Deputación da Coruña e o propio Pleno do Concello da Coruña ou a Universidade da Coruña, onde se atopan as nosas instalacións.

Seguiremos informando porque #CuacResiste e #Cuacnonserinde. Se calquera persoa, colectivo ou asociación desexa emitir en CUAC FM, na nova tempada que comeza oficialmente o 1 de outubro, pode enviar un correo a comunicacion@cuacfm.org.

Grazas de novo a Santy Gutiérrez por esta viñeda que expresa nunha imaxe unha das múltiples inxustizas coas que convivimos a diario.

CUAC FM emite un especial de 3 horas de duración sobre o Festival Noroeste Estrella Galicia.

Xa tes dispoñible para escoitar (e compartir) cando queiras o audio do programa:

Podcast do Programa Especial CUAC FM Festival Noroeste 2018

Equipo: Julia Huertas, Estela López, Paula Alonso, Ozzy de Castro, Noel Miguélez, Rubén Orión, Tomi Desastre e a colaboración de Pepe Cunha de Ábrete de Orellas.

O martes 31 de xullo, no local social de Alexandre Bóveda e CUAC FM (Rúa Olmos 16 1º), recibiremos a un dos compoñentes dunha das emisoras comunitarias de referencia a nivel mundial: La Tribu. Será ás 20 horas e a entrada é libre.

O Xurado do XX Concurso de bandas e solistas de CUAC FM ven de emitir o seu veredicto.

Nesta ligazón tes acceso a información detallada sobre o proceso, a conformación do xurado e outros detalles de interese.

As catro bandas galegas que actuarán no esceario principal do Festival Noroeste Estrella Galicia na sua 32ª edición son:

Tunduru, que obtén ademáis o Premio á Mellor banda local xa que foi a formación coruñesa con máis votos. Elman (A Coruña), The Soul Breakers (Pontevedra) e LOLA (Santiago de Compostela). Todas elas estarán os días 10 e 11 de agosto actuando antes das duas bandas principais do festival qu se darán a coñecer os vindeiros días (ademáis de Belle and Sebastian que xa se anunciou).

Unha vez pasado o festival informaremos das duas bandas que se clasifican para a Batalla de Bandas que se celebrará na Sala Mardi Gras o día 6 de outubro. Nesta fase xa se incluén nas votacións a bandas do resto do estado español que participaron nesta edición. Durante o concerto darase a coñecer o Premio á Mellor Canción en Galego que é unha novidade desta XX edición.

Este concurso conta coa colaboración e o financiamento do Concello da Coruña en exclusiva.

Podes saber máis detalles sobre horarios e días de actuación das bandas gañadoras no noso concurso, así como do resto de bandas xa confirmadas, na suas redes sociais e na web oficial do Festival Noroeste Estrella Galicia: https://festivalnoroeste.com/

CUAC FM ofrecerá un especial Festival Noroeste nos días previos á celebración do festival, con especial atención as catro bandas gañadoras do concurso a nivel galego.